بالىق براكونەرلەرىنىڭ 80 پايىزعا جۋىعى - جۇمىسسىزدار
بۇل تۋرالى اكىمشىلىك پوليتسيا كوميتەتى تابيعات قورعاۋ پوليتسياسى توبىنىڭ ەرەكشە تاپسىرمالار جونىندەگى اعا ينسپەكتورى الىشەر جارماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.
«بالىق براكونەرلىگى بويىنشا تالداۋ جاسالدى. باستى سەبەپ - ازاماتتاردىڭ ەكولوگيالىق ادەبىنىڭ تومەندىگى. ازاماتتار وڭاي اقشا تابۋ جولىندا قورشاعان ورتاعا قانداي زالال كەلەتىنىن تۇسىنبەيدى. براكونەرلىككە ەكىنشى سەبەپ - جۇمىسسىزدىق. قىلمىستىق جاۋاپقا تارتىلاتىن براكونەرلەردىڭ %80 عا جۋىعى - جۇمىسسىزدار. سونىمەن قاتار زاڭسىز بالىق اۋلاۋ ارەكەتىمەن كۇرەسۋ ماقساتىندا قۇزىرلى ورگاندارمەن بىرلەسكەن جۇمىس جۇرگىزىلىپ جاتىر. سونىڭ ءبىرى - قىلمىستىق جانە اكىمشىلىك جاۋاپكەرشىلىك تۋرالى كودەكسكە وزگەرىستەر ەنگىزۋ جاعى پىسىقتالىپ جاتىر»، - دەدى الىشەر جارماعامبەتوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سپيكەردىڭ مالىمەتىنشە، جىل باسىنان بەرى اتىراۋ، ب ق و جانە ماڭعىستاۋ وبلىسىندا جۇرگىزىلگەن رەيدتە 70 قىلمىستىق قۇقىقبۇزۋشىلىق تىركەلگەن.
«اتاپ ايتقاندا، 13 زاڭسىز بالىق اۋلاۋ، 3 اڭشىلىق، 54 سيرەك كەزدەسەتىن جانە جويىلۋعا جاقىن قالعان اڭداردى اۋلاۋ فاكتىسى انىقتالدى. ناتيجەسىندە 1 مىڭنان استام ادام اكىمشىلىك جاۋاپكەرشىلىككە تارتىلدى»، - دەيدى ول.
