ماۋسىم ارالىق كەزەڭدە ادامداردىڭ 80 پايىزىندا دارۋمەن جەتىسپەيدى - دارىگەر
دارىگەردىڭ ايتۋىنشا، جىل سايىن ماۋسىمارالىق كەزەڭدە ادامداردىڭ % 60-80- ى دارۋمەن جەتىسپەۋشىگىن سەزىنەدى. اتالعان اۋرۋعا جەتكىلىكسىز نازار اۋدارۋ جانە ونى ەلەمەۋ كوبىنەسە جاعىمسىز سالدارعا جانە جاعدايدىڭ ناشارلاۋىنا اكەلەدى.
«ءار ادامنىڭ اعزاسىنا جەكە قاراۋ كەرەك جانە ونى دارۋمەندەردى تاڭداعان كەزدە دە ەسكەرگەن ءجون، مينەرالداردى زاتتار مەن ولاردىڭ كولەمى دە سوعان قاراي تاعايىندالادى. ءارتۇرلى پاتولوگيالارمەن جانە اۋىرعان اۋرۋلاردىڭ سالدارىنان دارۋمەن جەتىسپەۋشىلىگى بىرنەشە ەسە ارتۋى مۇمكىن. ايتا كەتەرلىگى، سۋىق تيگەن كەزدە اسپيرين قابىلداۋ اعزادان س دارۋمەنىنىڭ ءبولىنۋ جىلدامدىعىن 3 ەسەگە ارتتىرادى»، - دەيدى سۆەتلانا فازىلجانوۆا.
گەرونتولوگ دارىگەرى اۆيتامينوزدى قانداي بەلگىلەر ارقىلى انىقتاۋعا بولاتىنىن اتاپ ءوتتى.
«ماسەلەن، بۇرىن جانعا راحات سىيلايتىن زاتتار مەن ارەكەتتەرگە اپاتيا جانە قىزىعۋشىلىقتى جوعالتۋ، سۋىق تيۋ مەن مۇرىننىڭ ءبىتۋى، ءبىر نەمەسە بىرنەشە سوزىلمالى اۋرۋلاردىڭ ءورشۋى، تۇنگى 2:30 جانە 3:30 ۋاقىت ارالىعىندا ءجيى ويانۋ، تەرىدەگى بەزەۋدىڭ پايدا بولۋى نەمەسە تەرىنىڭ شامادان تىس قۇرعاۋى، شاشتىڭ سىنعىشتىعى جانە تىرناقتاردىڭ قاتپارلانۋى، ءىش قاتۋ، گاستريت تۇرىندە اسقازان- ىشەك جولدارىنىڭ بۇزىلۋىنىڭ پايدا بولۋى، قىزىليەكتىڭ قاناۋى، باس اۋرۋىنىڭ جيىلەۋى، قۇلاقتىڭ شۋى جانە باس اينالۋ. بۇل بەلگىلەردىڭ بولۋى پروگرەسسيۆتى كوكتەمگى اۆيتامينوزمەن جەدەل كۇرەسۋ قاجەتتىگىن كورسەتەدى»، - دەيدى سپيكەر.
سونداي- اق، دارىگەر كوكتەمگى اۆيتامينوزبەن ءتيىمدى كۇرەسۋ ءۇشىن قازىرگى ۋاقىتتا اعزاعا قانداي دارۋمەندەر نەمەسە ولاردىڭ كومبيناتسياسى قاجەت ەكەنىن انىقتاۋ ماڭىزدى ەكەنىن جەتكىزدى.
«كۇن سايىن جەتىسپەيتىن دارۋمەننىڭ ناقتى مولشەرىن تولتىرۋعا تىرىسپاۋ كەرەك. ونىڭ ورنىنا دارىگەرلەر قاجەتتى دارۋمەندەر مەن مينەرالداردىڭ ورتاشا مولشەرىن بىرنەشە كۇن نەمەسە اپتا ىشىندە الۋعا كەڭەس بەرەدى»، - دەپ ءتۇسىندىردى سپيكەر.
دارۋمەن تاپشىلىعىنىڭ الدىن الۋدىڭ نەگىزگى قاعيداسى - دۇرىس جانە تەڭدەستىرىلگەن ديەتانى ساقتاۋ. سونىمەن قاتار، دارۋمەن جەتىسپەۋشىلىگى كەزىندە تازا اۋادا ءجيى سەرۋەندەۋ جانە تۇراقتى سپورتتىق جاتتىعۋلار كومەكتەسەدى.
دارىگەر تاماقتانۋدىڭ نەگىزگى ەرەجەلەرىن ەلەۋسىز قالدىرماۋعا جانە تاماقتانۋ راتسيونىنا جاڭا سىعىلعان شىرىنداردى، فرەشتەردى، كوكونىستەردىڭ، جەمىستەردىڭ جانە كوك شوپتەردىڭ ارتۇرلىلىگىن قوسۋدى ۇسىنادى.
سونداي- اق، مامان دارۋمەننىڭ جەتىسپەۋىن ەلەمەۋ مەديتسينالىق ارالاسۋدى قاجەت ەتەتىن اۋىر اۋرۋلارعا، ءتىپتى اۋرۋحاناعا جاتقىزۋعا دەيىن اپاراتىنىن ەسكە سالدى.
اۆتور
الما مۇقانوۆا
