ە ا ە و اياسىنداعى كەدەرگىلەردىڭ 80 پايىزى جويىلدى - ق ر پرەزيدەنتى
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ينتەگراتسيالىق پروتسەستەردى تەرەڭدەتۋدىڭ ماڭىزدى ماسەلەلەرىنىڭ ءبىرى - كەدەرگىلەردى، شەكتەۋلەر مەن الىمداردى كەزەڭ-كەزەڭىمەن جويۋ. بۇل تۇرعىدا وڭ ىلگەرىلەۋشىلىك بار. 2016-جىلدان بەرى ەۋرازيالىق ەكونوميكالىق وداقتىڭ ىشكى نارىعىندا بولعان 68 كەدەرگىنىڭ 54 ءى نەمەسە 80 پايىزى جويىلدى. وسى جىلدىڭ اقپانىندا ارىپتەستەر ماڭىزدى قۇجاتتاردىڭ ءبىرىن - كەدەرگىلەردى جىكتەۋ ادىستەمەسىن بەكىتتى. ەندىگى ۋاقىتتا كەدەرگىلەردى جىكتەۋ پروتسەسىن قاراۋ بينەسكە تۇسىنىكتى نىساندا رەگلامەنتتەلگەن. ەڭ باستىسى - كوڭىلگە قونىمدى ۋاقىتتا»، - دەدى ق ر پرەزيدەنتى جوعارى ەۋرازيالىق ەكونوميكالىق كەڭەستىڭ وتىرىسىندا.
قاسىم-جومارت توقايەۆ وسىمەن توقتاپ قالماي الداعى ۋاقىتتا دا كەدەرگىلەردى جويۋعا باعىتتالعان جۇمىستى جۇرگىزۋ ماڭىزدىلىعىن اتاپ ءوتتى.
