تۇرمىستىق زورلىققا قاتىستى جاۋاپقا تارتىلعانداردىڭ 80 پايىزى قانداي ادامدار ەكەنى ايتىلدى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ايتىلدى، دەپ حابارلايدى قازاقپارات ءتىلشىسى.
«سوڭعى بەس جىلدا ايەلدەر مەن بالالاردىڭ قۇقىقتارىن بۇزاتىن قىلمىستار سانى ەكى ەسەگە ازايدى. سونىمەن قاتار، كارانتين جانە قاتاڭ وقشاۋلاۋ جاعدايىندا تۇرمىستىق زورلىق- زومبىلىق پروبلەماسى كۇشەيە ءتۇستى. مۇنداي جاعداي قازىرگى كەزدە كوپتەگەن ەلدە بولىپ جاتىر. وتكەن جىلدىڭ سوڭىندا وسىنداي قىلمىس سانى %4,7 ءوستى»، - دەيدى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى الەكسەي ميليۋك.
ونىڭ ايتۋىنشا، تىركەلگەن قىلمىستىق قۇقىق بۇزۋشىلىقتاردىڭ جالپى سانىمەن سالىستىرعاندا وتباسىلىق قىلمىستىڭ ۇلەسى از، بار بولعانى %1 قۇرايدى.
«سونىمەن قاتار، تۇرمىستىق زورلىق- زومبىلىق قۇرباندارىنىڭ %50 دان استامى - ايەلدەر بولسا، %6,4 ى - كامەلەتكە تولماعاندار. ادەتتە، مۇنداي قۇقىق بۇزۋشىلىقتاردىڭ جارتىسى ماس كۇيدە جاسالادى. تۇرمىستىق زورلىق- زومبىلىققا قاتىستى جاۋاپقا تارتىلعانداردىڭ %81 ى ەش جەردە جۇمىس ىستەمەگەندەر»، - دەيدى ول.
