قىتايدىڭ قازاقستانعا تىكەلەي ينۆەستيتسياسى 80 پايىزعا جەتتى
بۇل تۋرالى قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان سياو قازاقستاندىق جۋرناليستەرگە بەرگەن سۇحباتىندا ايتتى. ب
ۇل تۋرالى حابار 24- تەلەارناسى حابارلادى.
ديپلوماتتىڭ مالىمەتىنشە، بيىل ەلىمىزدەگى «قورعاس» ارنايى ەكونوميكالىق ايماعى ارقىلى 4 مىڭنان اسا كونتەينەرلىك پويىز وتكەن. «دوستىق-الاشانكوۋ» حالىقارالىق دالىزى ارقىلى دا قىتاي - قازاقستان - ەۋروپا باعىتىندا وسىنشا كولەمدە جۇك تاسىمالداندى. كورسەتكىش بىلتىرعى وسى كەزەڭمەن سالىستىرعاندا 45 پايىزعا جوعارى. قىتاي حالىق رەسپۋبليكاسىنىڭ ەلشىسى كولىك تاسىمالىنىڭ ارتۋى 2020-جىلعى باستى جەتىستىكتەردىڭ ءبىرى ەكەنىن ايتتى.
«كوروناۆيرۋس ەكى ەل بايلانىسىنا كەرى اسەر ەتكەن جوق، كەرىسىنشە قارىم-قاتىناس نىعايىپ كەلەدى»، - دەيدى ديپلومات.
قازاقستان مەن قىتايدىڭ ءوزارا بايلانىسى پاندەمياعا قاراماستان نىعايا ءتۇستى. ەكى مەملەكەت قيىن ساتتە ءبىر-بىرىنە قول ۇشىن بەرىپ، تاتۋ كورشى ەكەندىكتەرىن دالەلدەدى.
«قازاقستان حالقى مەن ۇكىمەتى قىتاي ءۇشىن ەڭ قيىن ساتتە قولدان كەلگەن كومەگىن ايامادى. مورالدىك قولداۋ مەن گۋمانيتارلىق جۇك كوروناۆيرۋس انىقتالعان العاشقى اپتالاردا وتە ماڭىزدى مانگە يە بولدى. بۇل دوستىق نيەتتى ءبىز ەشقاشان ۇمىتپايمىز»، - دەيدى چجان سياو.
ونىڭ ايتۋىنشا، بۇگىنگىدەي كەزەڭدە وسىنشا كولەمدەگى ءوسىم ەداۋىر دەپ ايتۋعا بولادى.
«ەندى قولعا الىناتىن جوبالاردىڭ ىشىندە جوعارى تەحنولوگيا، اۆتوكولىك، ەلەكترلى كولىك، سونداي-اق جاڭارتىلعان قۋات كوزدەرىنە قاتىستى باستامالار بار. ەكى ەلدىڭ ءوزارا تاۋار اينالىمى بۇگىندە 18 ميلليارد ا ق ش دوللارىنان اسقان. بۇل - قازاقستان جانە قىتاي ۇكىمەتىنىڭ كەيىنگى ەكى جىلدا اتقارعان جۇمىسىنىڭ ناتيجەسى»، - دەيدى ديپلومات.
بۇعان قوسا «ءبىر بەلدەۋ - ءبىر جول» ساياسي باستاماسى اياسىندا ەجەلگى جىبەك جولىن سيفرلىق تۇرعىدا دامىتۋ دا جوسپارلانىپ وتىرعانى دا ايتىلادى.
