09:28, 06 - قىركۇيەك 2017 | GMT +5
ميانما بوسقىندارىنىڭ 80 پايىزى - ايەلدەر مەن بالالار
استانا. قازاقپارات - سوڭعى ەكى اپتا ىشىندە ميانمادان بانگلادەشكە بوسىپ كەتكەن روحيندجا مۇسىلماندارىنىڭ 80 پايىزى - ايەلدەر مەن بالالار، دەپ حابارلايدى تاسس.
«25 -تامىزدان بەرى 125 مىڭنان استام روحيندجا- بوسقىن بانگلادەش شەكاراسىن اسقان. ونىڭ 80 پايىزى - ايەلدەر مەن بالالار. ال كومەككە مۇقتاج كوپتەگەن بالا ميانما ەلىنىڭ راكحاين شتاتىنىڭ سولتۇستىگىندە قالعان. ول جەردى ەل اسكەرى كۇشپەن باسىپ العان»، - دەلىنگەن ي ن ي س ە ف- تىڭ اتقارۋشى ديرەكتورى ەنتوني لەيكتىڭ جازباشا مالىمدەمەسىندە.
ول، سونداي-اق، ي ن ي س ە ف- تىڭ راكحاين شتاتىنىڭ سولتۇستىك وڭىرلەرىندە جۇمىسىن توقتاتۋعا ءماجبۇر بولعانىمەن، روحيندجا بالالارىنا كومەك كورسەتۋىن ارتتىرا تۇسكەنىن ايتادى. ولارعا ۇيىم ازىق- تۇلىك، اۋىز سۋ جانە گيگيەنالىق زاتتار ۇلەستىرىپ جاتىر.
ب ۇ ۇ باس حاتشىسى انتونيۋ گۋتەرريش وڭىردەگى احۋالعا الاڭداۋشىلىق ءبىلدىرىپ، ميانما بيلىگىن روحيندجالارعا ازاماتتىق نەمەسە باسقالاي قۇقىقتىق ستاتۋس بەرۋگە شاقىردى.
