باقىتجان ساعىنتايەۆ قۇرىلىس نىساندارىندا وتاندىق ماتەريالداردىڭ ۇلەسىن 80 پايىزعا جەتكىزۋدى جۇكتەدى
«قۇرىلىس كەزىندە وتاندىق ماتەريالداردى پايدالانۋ ماڭىزدى ماسەلە. بۇگىندە تەك 58 پايىز دەڭگەيىندە وتاندىق قۇرىلىس ماتەريالدارى پايدالانىلۋدا. بىزگە قازاقستاندىق ماتەريالداردىڭ ۇلەسىن 80 پايىزعا دەيىن جەتكىزسەك، بۇل ءوز كەزەگىندە ەلىمىزدەگى كومپانيالارعا ەلەۋلى قولداۋ بولادى»، - دەدى پرەمەر- مينيستر ۇكىمەت وتىرىسىندا.
سونىمەن قاتار ب. ساعىنتايەۆ جىلدىڭ سوڭىنا دەيىن تۇرعىن ءۇي قۇرىلىسىندا بيىلعى جوسپار ءتيىستى دەڭگەيدە ورىندالۋىن تاپسىردى.
«ەلىمىزدە 25 جىلدىڭ ىشىندا ءبىر ميلليونعا جۋىق وتباسى باسپانالى بولدى. 1,4 مىڭ مەكتەپ ىسكە قوسىلدى، 1,3 مىڭ دەنساۋلىق ساقتاۋ نىساندارى پايدالانۋعا بەرىلدى. سول سەبەپتەن تاۋىلسىزدىگىمىزدىڭ 25 جىلدىعىنا دەيىن قالعان از ۋاقىتتىڭ ىشىندە جوسپارداعى نىسانداردىڭ بارلىعىن بەلگىلەنگەن مەرزىمدە تاپسىرىپ، تۇرعىندارعا جۇمىستاردىڭ اياقتالعاندىعى تۋرالى ەسەبىمىزدى بەرۋىمىز قاجەت. وسى رەتتە جوسپارلى جۇمىستاردى سوڭىنا دەيىن جەتكىزۋگە بىزدە مۇمكىندىكتەر جەتكىلىكتى»، - دەدى پرەمەر- مينيستر ۇكىمەت مۇشەلەرىنە قاراتىپ ايتقان سوزىندە.
اۆتور: رۋسلان عابباسوۆ
