كابۋلداعى جارىلىستان قازا تاپقاندار سانى 80 ادامعا جەتتى

استانا. قازاقپارات - اۋعانستاننىڭ استاناسى كابۋلدا بولعان جارىلىس سالدارىنان قازا تاپقاندار سانى 80 ادام بولدى، سونداي-اق 231 ادام زارداپ شەككەن، دەپ حابارلايدى اۋعانستان ىشكى ىستەر مينيسترلىگىنە سىلتەمە جاساپ لەنتا. رۋ.

ۆەدومستۆو مالىمەتىنشە، شابۋىلدى 3 لاڭكەس ۇيىمداستىرماق بولعان. الايدا ءبىرىنىڭ جارىلعىشى ىسكە قوسىلماي قالادى. ال ءۇشىنشىسىن كۇش قۇرىلىمدارى اتىپ ولتىرگەن. ءى ءى م سونىمەن بىرگە قازا تاپقاندار مەن زارداپ شەككەندەر اراسىندا كۇش قۇرىلىمدارىنىڭ قىزمەتكەرلەرى بار ەكەنىن اتاپ ءوتتى. ولار ەرەۋىل كەزىندە وقيعا ورنىندا بولعان.

بۇعان دەيىن حابارلاعانداي، ق ر سىرتقى ىستەر مينيسترلىگى كابۋلداعى قازاقستاندىقتار تۋرالى مالىمەتتەردى تەكسەرىپ جاتىر.

«قازىرگى كەزدە سىرتقى ىستەر مينيسترلىگى مەن كابۋلداعى قازاقستان ەلشىلىگى اۋعانستاننىڭ قۇقىق قورعاۋ ورگاندارىمەن بايلانىسقا شىعىپ، كابۋلداعى تەراكت كەزىندە زارداپ شەككەن قازاقستان ازاماتتارى بار-جوعىن انىقتاۋدا»، - دەپ حابارلادى ق ر س ءى م باسپا ءسوز قىزمەتىنىڭ جەتەكشىسى ءانۋار جايناقوۆ.