بالاسىنان باس تارتقان اناسى قىزىمەن 80 جىلدان سوڭ كەزدەستى

استانا. قازاقپارات - ا ق ش- تا 1933-جىلى بالاسىنان باس تارتقان ايەل قىزىمەن 80 جىلدان كەيىن سويلەستى، دەپ جازادى The Daily Mail.

83  جاستاعى دوريەنن حاممانن 99 جاستاعى ەيلين ۆاگنەرگە تەلەفون سوعىپ: «امانسىڭ با، انا» دەدى.

باسىلىم جازىپ وتىرعانداي، ۆيسكونسين شتاتىنىڭ تۇرعىنى 16 جاسىندا زورلانىپ، جۇكتى بولىپ قالعان. ۆاگنەر دۇنيەگە قىز بالا اكەلىپ، ونى بالا اسىراۋشى وتباسىعا بەردى. ەكى ايەلدىڭ كەزدەسۋىنە حامماننىڭ كەلىنى كومەكتەستى، ول بالا اسىراپ الۋ قۇجاتتارىن مۇقيات زەرتتەپ، ۆاگنەردى عالامتور ارقىلى تاۋىپ العان.

ۆاگنەر مەن حاممانن تەلەفون ارقىلى بىرنەشە رەت سويلەسىپ، اقىرى 2016-جىلدىڭ ساۋىرىندە جۇزدەستى. بيولوگيالىق انا قىزىنا ونىڭ قالاي دۇنيەگە كەلگەنىن ءتۇسىندىردى.

«وسىنشاما جاسقا كەلىپ، انامنىڭ بار ەكەنىنە ءالى ءتىرى ەكەنىنە سەنە الار ەمەسپىن»، - دەدى حاممانن.