ەرتىس وزەنىنە شىركەيدى 80 پايىزعا دەيىن جوياتىن ءدارى- دارمەك قۇيىلدى - پاۆلودار وبلىسى
جالپى شىبىن- شىركەيمەن كۇرەسكە 30 توننا باكتيتسيد جۇمسالادى. - شىركەي دەرناسىلىن جوياتىن قۇرامىندا بيولوگيالىق باكتەريالارى بار ءدارى- دارمەكتەردى 2002 -جىلدان بەرى قولدانىپ كەلەمىز. وزەنگە توگىلگەن ءدارى- دارمەكتىڭ ارقاسىندا شىركەي دەرناسىلى سۇيىقتىقتى جۇتىپ، ىشەك ينفەكتسياسى سالدارىنان ءولۋى ءتيىس. جىل سايىن زالالسىزداندىرۋ جۇمىستارى 17-18 مامىردا وتكىزىلەدى. سەبەبى، مامىردىڭ ءۇشىنشى ون كۇندىگىندە دەرناسىلدەردىڭ شىركەيگە اينالۋ پروتسەسى باستالادى، ال ءبىز وعان دەيىن ولاردى جويۋىمىز كەرەك. ەرتىسكە قۇيىلعان 20 توننا باكتيتسيد 100 كيلومەترگە ەسەپتەلگەن. وزەن بويىمەن پاۆلودارعا دەيىن 60 شاقىرىم اۋماق جەرگە ءدارى- دارمەك بۇگىن تارالىپ كەتسە، قالعان 40 شاقىرىمى پاۆلودار اۋدانىنىڭ چەرنورەتسك اۋىلىنا ەرتەڭگە دەيىن جەتەدى.
ارى قاراي باكتيتسيدتىڭ قاسيەتى السىرەي باستايدى. ءبىزدىڭ ەسەبىمىز بويىنشا دەرناسىلدىڭ 70-80 پايىزى جويىلۋى كەرەك. ەرتىس وزەنىنىڭ ارناسى قازاقستانداعى ەڭ ءىرىسى بولىپ تابىلادى. سوندىقتان باسقا ايماقتارعا قاراعاندا پاۆلودار وبلىسى ارقىلى اعاتىن وزەننىڭ بويىندا شىركەيمەن كۇرەستە وسىنداي اۋقىمدى جۇمىستار جۇرگىزىلەدى. ەگەر 2000 -جىلدىڭ باسىمەن سالىستىرساق ولاردىڭ سانى قازىرگى ۋاقىتتا ازايعان. سەبەبى، بۇرىن 1 شارشى ديتسيمەتردە ءۇش مىڭعا جۋىق دەرناسىلدەر بولسا، قازىر تەك 400-500 شاماسىندا. سونىمەن قاتار، بۇرىن شىركەيدىڭ التى ءتۇرى بولدى، ال قازىر تەك قانا ۇشەۋى قالدى، - دەدى بيولوگيا عىلىمدارىنىڭ دوكتورى، س. تورايعىروۆ اتىنداعى پ م ۋ پروفەسسورى قانات احمەتوۆ.
پروفەسسوردىڭ ايتۋىنشا، ءدارى- دارمەكتىڭ ادام ءۇشىن ەشقانداي زيانى جوق. - نەگىزى زالالسىزداندىرۋ جۇمىستارىنا 134 ميلليون تەڭگە بولىنگەن. ءبىز «نۇربەلەس» ج ش س- مەن 131 ميلليون تەڭگەگە كەلىسىمشارتقا قول قويدىق. ءدارى- دارمەكتىڭ 20 تونناسىن قۇيدىق، ەندى قالعان 10 تونناسىمەن كەنجەكول كەنتىنەن تەمىرجول كوپىرىنە دەيىن ەرتىستىڭ بويىندا ءىس- شارالار جۇرگىزىلەدى. بۇدان باسقا، «ساندەرس» ج ش س كۇنىنە ەكى رەت عىلىمي زەرتتەۋمەن اينالىسىپ، شىركەيدىڭ كوپ شوعىرلانعان جەرلەرىن انىقتايدى. سونىمەن قاتار، ساياباقتاردا دا وڭدەۋ جۇرگىزىلەدى، - دەدى قالالىق تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى باسشىسىنىڭ ورىنباسارى قايرات قارابەكوۆ.
