الەمدەگى قالا تۇرعىندارىنىڭ 80 پايىزدان استامى لاستانعان اۋامەن دەمالادى
ونىڭ اۆتورلارى تابىسى ورتا جانە تومەن ەلدەردە اۋا ساپاسى ناشارلاپ بارا جاتقانىن ايتىپ دابىل قاعۋدا.
د د س ۇ وسى باياندامانى ازىرلەۋ بارىسىندا الەمدەگى جۇزدەن استام مەملەكەتتىڭ 3 مىڭداي قالاسىنداعى اۋا ساپاسىن تەكسەرىپ شىقتى.
تابىسى تومەن نەمەسە ورتاشا ەلدەردەگى 100 مىڭنان استام تۇرعىنى بار قالالاردىڭ 98 پايىزىندا اۋانىڭ ساپاسى حالىقارالىق تالاپتار بويىنشا ۇيعارىندى لاستانۋ دەڭگەيىنە جاۋاپ بەرمەيتىنى بەلگىلى بولدى. اۋقاتتى ەلدەردىڭ ىشىندە قالالاردىڭ 56 پايىزىنىڭ تۇرعىندارى لاستانعان اۋامەن تىنىس الادى.
« اۋانىڭ لاستانۋى - ادامداردىڭ اۋرۋعا شالدىعۋى جانە مەزگىلسىز ءولىمنىڭ باستى سەبەپتەرىنىڭ ءبىرى. قالاداعى اۋا قاتتى لاستانسا، ول جاستارعا، قاريالارعا جانە جاعدايى تومەن جاندارعا زالالىن تيگىزەدى»، - دەدى د د س ۇ باس ديرەكتورىنىڭ كومەكشىسى فلاۆيا بۋسترەو.
ەۋروپا جانە امەريكا، سونىمەن قاتار تىنىق مۇحيتىنىڭ باتىس بولىگىندەگى ايماقتاعى كەي ەلدەردىڭ اۋاسى تازا سانالادى. ساپاسى تومەن ناشار اۋا شىعىس جەرورتا تەڭىزى ايماقتارى مەن وڭتۇستىك شىعىس ازيا بولىگىندە تارالۋدا.
ساراپشىلاردىڭ ايتۋىنشا اۋا ساپاسىنىڭ جاقسارۋى حالىق اۋرۋىن ەمدەۋگە كەتەتىن شىعىندى ازايتادى.
