تۇسكە تامان شاڭحايدا 80 پايىز سايلاۋشى داۋىس بەردى - فوتو
داۋىس بەرگەندەردىڭ ىشىندە قازاقستان مەن قىتاي اراسىندا حالىقارالىق اسكەري-گۋمانيتارلىق الماسۋ اياسىندا ءبىلىم الۋ ءۇشىن كەلگەن شاڭحاي قالاسى ەكىنشى اسكەري-مەديتسينالىق ۋنيۆەرسيتەتىنىڭ كۋرسانتتارى دا بار.
«ءبىز، قازاقستاننىڭ جاس اسكەرى ەل ءۇشىن اسا ماڭىزدى ساياسي وقيعاعا قۋانا جانە ماقتانىشپەن قاتىسىپ وتىرمىز. قازىر، ەلدەن جىراقتا وزىق ءبىلىم الۋ ۇستىندەمىز. الداعى ۋاقىتتا العان ءبىلىمىمىزدى ءوز وتانىمىزدىڭ دامۋىنا جۇمسايتىن بولامىز. مۇمكىندىكتى پايدالانا وتىرىپ، قازاقستان حالقىن ناۋرىز مەرەكەسىمەن قۇتتىقتاعىم كەلەدى، ءاردايىم ەلىمىز تىنىش، اسپانىمىز اشىق بولسىن»، - دەدى ج و و كۋرسانتى ەرلان ىسمايىلوۆ.
ەسكە سالساق، شاڭحاي قالاسىنا، جياڭسۋ، جياڭشي، انحوي، جىجياڭ جانە فۋجياڭ پروۆينتسيالارىنا كەلگەن قازاقستان ازاماتتارى شاڭحايداعى ق ر باس كونسۋلدىعىندا 244№ سايلاۋ ۋچاسكەسىندە داۋىس بەرە الادى.
