08:24, 22 - تامىز 2015 | GMT +5
مەسسيدىڭ فەيسبۋكتەگى پاراقشاسىنا 80 ميلليون ادام تىركەلگەن
استانا. قازاقپارات - الەمنىڭ ءتورت مارتە ۇزدىك فۋتبولشىسى، «بارسەلونا» شابۋىلشىسى جانە ارگەنتينا قۇراماسىنىڭ كاپيتانى ليونەل مەسسي تاعى ءبىر جەتىستىككە جەتتى.

تەك بۇل جولى اڭگىمە كەزەكتى گول نەمەسە ماراپات تۋرالى ەمەس، دەپ جازادى 24.kz.
Facebook جەلىسىندەگى مەسسيدىڭ پاراقشاسىنا جازىلعاندار سانى اناۋ- مىناۋ ەمەس، 80 ميلليون ادامعا جەتىپتى، دەپ حابارلايدى eSpanarusa.com.
مۇنداي قۋانىشىمەن ءبولىسۋدى ءجون كورگەن اتاقتى سپورتشى 80 سانىنا سۇيەنىپ تۇسكەن سۋرەتىن فەيسبۋكتە جاريالاعان. وسى رەتتە ول جۇرتشىلىققا ارناپ، بىلاي جازىپتى: «ءبىزدىڭ فەيسبۋكتەگى سانىمىز 80 ميلليون ادامعا جەتتى! كۇن سايىن كورسەتىپ وتىرعان قولداۋلارىڭىز ءۇشىن بارلىقتارىڭىزعا راحمەتىمدى ايتامىن. سەبەبى مۇنشا حالىقتىڭ دەمەۋىن سەزىنۋ ءبىر عانيبەت».