قازاقستانعا يمپورتتالاتىن جەڭىل ونەركاسىپ ونىمدەرىنىڭ 80 پايىزىندا سەرتيفيكات جوق - داريعا نازاربايەۆا
بۇل تۋرالى بۇگىن ق ر پارلامەنتى ءماجىلىسىنىڭ ۆيتسە- سپيكەرى داريعا نازاربايەۆا ايتتى.
«ءبىزدىڭ بارلىعىمىز يمپورتقا ۇيرەنىپ الدىق. ارينە، جەڭىل ونەركاسىپ ونىمدەرىن تۇتىنۋشىلاردىڭ يمپورتتالاتىن ءونىمنىڭ 80 پايىزىندا سەرتيفيكات جوق ەكەندىگىندە، اكەلىنەتىن ونىمدەردىڭ ساپاسىنا مەملەكەت تاراپىنان تيىسىنشە باقىلاۋدىڭ جوق ەكەندىگىندە شارۋاسى جوق. ولاردىڭ قاتارىندا كونترافاكتىلىك ونىمدەر دە بار»، - دەدى ول ق ر پارلامەنتى ماجىلىسىندەگى ۇكىمەت ساعاتىندا.
ونىڭ اتاپ وتۋىنشە، وتاندىق جەڭىل ونەركاسىپ وتە اۋىر جاعدايدا قايتا قالپىنا كەلتىرۋدە. وعان ناقتى ستاتيستيكالىق دەرەكتەر دە دالەل. ماسەلەن، بۇگىنگى تاڭدا يمپورت ەكسپورتتان 12 ەسەگە اسىپ ءتۇسىپ، 2,2 ميلليارد دوللاردى قۇراپ وتىر.
«ءبىزدىڭ ەلىمىز وتە باي. ءبىز جەڭىل ونەركاسىپتى دامىتۋ ءۇشىن زور مۇمكىندىككە يەمىز. ول ءوز كەزەگىندە ەلىمىزدىڭ بارلىق ەكونوميكاسىن، كولىكتىك جۇيەسىن دامىتۋعا ىقپال ەتەدى. سوندىقتان دا بىزدەر ءۇشىن قازاقستان حالقىنىڭ ءال- اۋقاتىن جاقسارتۋعا باعىتتالعان بارلىق شارالاردىڭ ورىندالۋى اسا ماڭىزدى»، - دەدى د. نازاربايەۆا.
اۆتور: مارلان جيەمباي
