جەڭىس كۇنىنە وراي استانالىق سوعىس ارداگەرلەرىنە 805 مىڭ تەڭگەدەن بەرىلەدى
بۇل تۋرالى نۇر-سۇلتان قالاسىنىڭ كەزەكتى ءماسليحات سەسسياسىندا نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا ايتتى، دەپ حابارلايدى قازاقپارات ءتىلشىسى.
«بيىل جەڭىس كۇنىنە وراي سوعىس ارداگەرلەرىنە 805000 تەڭگە كولەمىندە قوسىمشا الەۋمەتتىك كومەك كورسەتۋ جوسپارلانۋدا. الەۋمەتتىك كومەك كورسەتۋ قاعيدالارى نەگىزىندە ۇستالاتىن 195439 تەڭگەنى ەسكەرە وتىرىپ 26 ادامعا 1000439 تەڭگە تولەنەدى»، - دەيدى نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا.
سونداي-اق، ول الەۋمەتتىك كومەك كورسەتۋ قاعيدالارىنا سايكەس چەرنوبىل اتوم ەلەكتروستانساسىنداعى اپاتتىڭ زاردابىن جويۋعا قاتىسقان ادامدارعا 26253 تەڭگە تولەنەتىنىن ايتتى.
«بيىل چەرنوبىل اتوم ەلەكتروستانتسياسىنداعى اپاتتىڭ قۇرباندارىن ەسكە الۋ كۇنىنە 35 جىل تولادى. وسىعان بايلانىستى 75 مىڭ تەڭگە كولەمىندە قوسىمشا الەۋمەتتىك كومەك كورسەتۋ ۇسىنىلادى»، - دەيدى ول.
ءماسليحات سەسسياسىنا قاتىسقان دەپۋتاتتار بۇل ۇسىنىستى ءبىراۋىزدان قولداپ، شەشىم قابىلدادى.