تەرىس اعىمدا بولعان 802 وتانداسىمىز ءداستۇرلى يسلامدى قابىلدادى
جىل ورايىندا ادامداردىڭ راديكالدى اعىمداردىڭ ىقپالىندا كەتۋىنە جول بەرمەۋ باعىتىندا وقۋ ورىندارىندا 3 مىڭنان استام كەزدەسۋ وتكىزىلدى .
جاستار اراسىندا ۋاعىز- ناسيحات ايتىلعان. وعان جارتى ميلليونعا جۋىق قىز- جىگىت قاتىسقان. بۇدان بولەك، جازاسىن وتەۋشىلەرگە تۇسىندىرمە جۇمىسىن جۇرگىزەتىن ارنايى يمامدار قۇرامى دا بيىل جاساقتالدى. ولار ەكسترەميستىك ارەكەتكە بايلانىستى جاۋاپقا تارتىلعان 723 اداممەن جەكەلەي جۇمىس جۇرگىزگەن.
وڭىرلەردە ءدىني ساۋات اشۋ باعىتىندا دا اۋقىمدى جۇمىس اتقارىلدى. ماسەلەن، قازاقستان مۇسىلماندارى ءدىني باسقارماسىنىڭ بەرگەن مالىمەتىنە سۇيەنسەك، بيىل 50 مىڭعا جۋىق وتانداسىمىز مەشىتتەر جانىنداعى ءدىني ساۋات اشۋ كۋرستارىندا ءبىلىم العان.
سەرىكباي قاجى وراز، ق م د ب ءتوراعاسىنىڭ ورىنباسارى - ءبىر جىلدىڭ كولەمىندە وسىنشا ازاماتىمىز سانالى تۇردە، ءوزىنىڭ بىلىمىمەن، تۇسىنە وتىرىپ رايىنان قايتتى. اللا ءناسىپ ەتسە بولاشاقتا ءبىز وسى جۇمىسىمىزدى ءارى قاراي جالعاستىرا بەرەمىز. جانە ءبىزدىڭ كوپتەگەن ازاماتتارىمىز تازا ءوزىمىزدىڭ ءداستۇرلى، تاريحي ءدىني مەكتەبىمىزدىڭ ءرولىن ناقتىلاپ تۇسىنەتىن بولادى دەپ ويلايمىن.
