جەڭىلدىكپەن قارجىلاندىرۋعا 801 ميلليارد تەڭگە جۇمسالدى
بۇل تۋرالى ق ر ۇلتتىق ەكونوميكا ءبىرىنشى ۆيتسە- ءمينيسترى تيمۋر جاقسىلىقوۆ ايتتى، دەپ حابارلايدى قازاقپارات ءتىلشىسى.
«جالپى، وسى جىلدىڭ 7 ايىندا «بيزنەستىڭ جول كارتاسى - 2025» جانە «قاراپايىم زاتتار ەكونوميكاسى» باعدارلاماسى اياسىندا 801,2 ميلليارد تەڭگە سوماعا 25,3 مىڭنان استام جوبا جەڭىلدىكپەن قارجىلاندىرىلدى. ونىڭ ىشىندە: جالپى كرەديت سوماسى 600 ميلليارد تەڭگە استام 14,4 مىڭنان استام جوبا سۋبسيديالاندى؛ جالپى كرەديت سوماسى شامامەن 200 ميلليارد تەڭگەگە جۋىقتايتىن 11 مىڭ جوباعا كەپىلدىك بەرىلدى. ەكونوميكانىڭ زارداپ شەككەن سالاسىندا جالپى كرەديت سوماسى 50 ميلليارد تەڭگەدەن استاپ 460 استام جوبا سۋبسيديالاندى. 62 ميلليارد تەڭگە سوماسىندا 10 مىڭنان اسا ميكروكرەديت بەرىلدى»، - دەدى تيمۋر جاقسىلىقوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، «ب ج ك-2025» باعدارلاماسى ىسكە اسىرىلعان ساتتەن باستاپ 10 ميلليارد تەڭگە سوماسىنا 4,1 مىڭنان استام مەملەكەتتىك گرانت بەرىلدى.
«سونىمەن قاتار 160 ميلليارد تەڭگە سوماسىنا بيزنەس جوبالارىنا جەتىسپەيتىن ينفراقۇرىلىمدى جەتكىزۋ بويىنشا 930 جوبا ىسكە اسىرىلدى»، - دەدى ول.
