14:06, 06 - قىركۇيەك 2021 | GMT +5
جەتى كۇندە كولىكتى ماس كۇيىندە باسقارعان 800 گە جۋىق ادام ۇستالدى - ءى ءى م
نۇر-سۇلتان. قازاقپارات - جەتى كۇندە قازاقستاندا اۆتوكولىكپەن جىلدىمدىقتى اسىرىپ ءجۇرۋدىڭ 7,5 مىڭ فاكتىسى تىركەلدى.
بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
«جولداعى قاۋىپسىزدىكتى قامتاماسىز ەتۋ ءۇشىن جول ەرەجەسىن ورەسكەل بۇزۋ جاعدايلارىنىڭ الدىن الۋ ءىس- شارالارى كۇشەيتىلدى. ويتكەنى بۇل فاكتىلەر اپاتتىلىق احۋالىنا قاتتى اسەر ەتەدى. وپەراتسيانى وتكىزۋ كەزەڭىندە اۆتوكولىكتى ماس كۇيدە باسقارۋدىڭ 796 فاكتىسى انىقتالدى. سونىمەن قاتار، جىلدامدىقتى اسىرۋدىڭ 7,5 مىڭ فاكتىسى تىركەلدى»، - دەدى ن. وراز اپتالىق ونلاين بريفينگىدە.
بۇدان بۇرىن حابارلانعانداي، رەسمي وكىل جەتى كۇندىك «قۇقىقتىق ءتارتىپ» جەدەل الدىن الۋ ءىس- شاراسى اياقتالعانىن جەتكىزدى.
