10:01, 16 - اقپان 2021 | GMT +5
قاڭتاردا ەلىمىزدە 800 مىڭ شارشى مەتر تۇرعىن ءۇي پايدالانۋعا بەرىلدى
نۇر- سۇلتان. قازاقپارات - قاڭتاردا 800 مىڭ شارشى مەتر تۇرعىن ءۇي پايدالانۋعا بەرىلدى. بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعاليەۆ ايتتى، دەپ حابارلايدى قازاقپارات ءتىلشىسى.
«بارلىق وڭىرلەردە قۇرىلىس جۇمىستارى بەلسەندى جۇرگىزىلۋدە. قۇرىلىس جۇمىستارىنىڭ قارقىندى ءجۇرۋى تۇركىستان جانە قىزىلوردا وبلىستارىندا، سونداي- اق شىمكەنت قالاسىندا بايقالادى»، - دەدى اسەت ەرعاليەۆ. جالپى العاندا، ونىڭ دەرەگىنە سايكەس، اتقارىلعان قۇرىلىس جۇمىستارىنىڭ كولەمى 7 پايىزعا ءوسىپ وتىر.
«تۇرعىن ۇيلەردى پايدالانۋعا بەرۋدىڭ ءوسۋى جالعاسۋدا. 2021 -جىلدىڭ قاڭتارىندا 801 مىڭ شارشى مەتر تۇرعىن ءۇي پايدالانۋعا بەرىلدى. بۇل وتكەن جىلعى كەزەڭمەن سالىستىرعاندا 9,4 پايىزعا جوعارى»، - دەدى مينيستر.
