الداعى بەس جىلدا 800 جاڭا مەكتەپ سالىنادى
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«كەلەسى ماڭىزدى باعىت - ينفراقۇرىلىم. بولجامعا سۇيەنسەك، 2025 -جىلعا قاراي ورىن تاپشىلىعى 500 مىڭعا جۋىق ورىندى قۇرايدى. بۇل تەك قانا مەكتەپتەردە. اتالعان پروبلەمالاردى شەشۋ ءۇشىن مەكتەپتەر مەملەكەت جانە جەكەمەنشىك تاراپىنان سالىناتىن بولادى. اتاپ ايتقاندا، 650 مىڭنان استام ورىنعا 800 جاڭا مەكتەپتى مەملەكەتتىك بيۋدجەت تاراپىنان جانە جەكە ينۆەستيتسيا تارتۋ ارقىلى سالۋ جوسپارلاندى. وعان 876 ميلليارد تەڭگە بولىنەدى. ناتيجەسىندە 3 اۋىسىمدى مەكتەپتەر مەن ورىن تاپشىلىعى شەشىلىپ، اپاتتى مەكتەپتەردىڭ سانى ازايادى»، - دەدى 2025 -جىلعا دەيىن قازاقستاندا ءبىلىم مەن عىلىمدى دامىتۋدىڭ مەملەكەتتىك باعدارلاماسىن تانىستىرعان اسحات ايماعامبەتوۆ.
بۇعان قوسا، ءمينيستردىڭ ايتۋىنشا، اۋىل مەكتەپتەرىن قولداۋ ءۇشىن «اۋىل - ەل بەسىگى» باعدارلاماسىمەن بايلانىستىرىلىپ، اۋىلداعى تىرەك مەكتەپتەر ءۇشىن 114 ينتەرنات سالۋعا 53 ميلليارد تەڭگە ءبولۋ جوسپارلانعان.
«بۇگىنگى كۇنى ەلىمىزدە 1879 مەكتەپتە مۇلدەم سپورت زالى جوق. وسىعان وراي وقۋشى سانى 150-دەن اساتىن بارلىق مەكتەپتە سپورت زال سالىنادى. وسى ماقساتتا 724 سپورت زالىن سالۋعا 80 ميلليارد تەڭگە ءبولىندى. جاڭا باعدارلاما اياسىندا بارلىق مەكتەپتەردى فيزيكا، حيميا، بيولوگيا پاندىك كابينەتتەرمەن تولىق قامتاماسىز ەتۋگە 100 ميلليارد تەڭگە، پاندىك كابينەتتەردى كومپيۋتەرلەرمەن قامتۋدى 100 پايىز جەتكىزۋ ءۇشىن 50 ميلليارد تەڭگە تاعى ءبولىنىپ وتىر. بۇل ماسەلەلەردىڭ جىلدار بويى شەشىلمەي كەلگەنىن اتاپ وتكىم كەلەدى جانە بۇل شىن مانىندە ءبىلىم سالاسى ءۇشىن وتە ۇلكەن جاقسى جاڭالىق»، - دەدى ول.
اۆتور: مارلان جيەمباي
