استانادان 800 ۇلان اسكەري بورىشىن وتەۋگە اتتاندى

استانا. قازاقپارات - استانادا ق ر قورعانىس مينيسترلىگىنىڭ اسكەري بولىمدەرى قاتارىندا اسكەري بورىشىن وتەۋگە شاقىرىلۋشىلاردى سالتاناتتى تۇردە شىعارىپ سالۋ ءراسىمى ءوتتى، دەپ حابارلايدى ەلوردا اكىمدىگىنىڭ رەسمي سايتى.
None
None

قالا اكىمدىگىنىڭ الدىنداعى الاڭدا وتان قورعاۋشىلار كۇنى قارساڭىندا «قازاقستاننىڭ ءار ازاماتىنىڭ بورىشى - ەل قورعاۋ» اكسياسى بولىپ ءوتتى. سالتاناتتى شىعارىپ سالۋ كەشىنە استانا اكىمىنىڭ ورىنباسارى ەرمەك امانشايەۆ، قارۋلى كۇشتەر باس شتابىنىڭ باستىعى مۇرات مايكەيەۆ، ارداگەرلەر ۇيىمى مەن مەملەكەتتىك ورگاننىڭ وكىلدەرى قاتىستى.

«سىزدەر وتانىمىزدىڭ جۇرەگى استانا قالاسىنان ۇلكەن جاۋاپتى جولعا اتتانىپ بارا جاتىرسىزدار. سىزدەردى الدا وتان قورعاۋ دەگەن قاسيەتتى بورىش كۇتىپ تۇر. اكىمدىكتىڭ اتىنان وسى ءبىر تولقىمالى ساتپەن قۇتتىقتاي وتىرىپ، الدارىڭىزعا قويىلعان مىندەتتى ابىرويمەن اتقارادى دەپ سەنەمىن»، - دەدى ە. امانشايەۆ.

سالتاناتتى ءىس-شاراعا جاس وسپىرىمدەرگە ارنالعان كلۋبتار مەن ۇيىرمەلەردىڭ تاربيەلەنۋشىلەرى مەن استانالىق مەكتەپتىڭ وقۋشىلارى شاقىرىلدى. ءۇش مىڭنان استام كورەرمەن جەكپە-جەك ويىندارىن، كادەتتەردىڭ ۆالسىن، جارىلعىش زاتتاردى يىسكەپ تاباتىن يتتەردىڭ تەاترلاندىرىلعان قويىلىمىن تاماشالادى.

ەستەرىڭىزگە سالا كەتەيىك، قازاقستاندا جەدەل اسكەري قىزمەتكە كوكتەمگى شاقىرىلىم تولىق كولەمدە ءجۇرىپ جاتىر. اسكەري قىزمەتكە 1991-2000-جىلى تۋىلعان ازاماتتار شاقىرىلۋدا.

سوڭعى جاڭالىقتار