باعباندى 800 مىڭعا تارتا ارا شاعىپ ءولتىردى
اقىل-ەسى كەم ەكى باعباندى جۇزدەگەن مىڭ ارا شاعىپ الدى. ونىڭ ءبىرى اۋرۋحانادا جان تاپسىردى، دەپ حابارلايدى USA Today.
اتى-ءجونى بەلگىسىز امەريكالىقتار 90 جاستاعى زەينەتكەردىڭ باعىن كۇتىپ-باپتاۋمەن اينالىسقان ەكەن. ولارعا جۇمىستى دامۋىندا اۋىتقۋى بار ادامدارعا كومەكتەسەتىن الەۋمەتتىك قىزمەت وكىلدەرى تاۋىپ بەرىپتى.
بولجام بويىنشا باعبان مەن ونىڭ كومەكشىسى ۇلكەن ارا ۇياسىن بۇزىپ تاستاعان. ساراپشىلار ارالار ۇيانى 10 جىل بويى جاساعان دەپ وتىر. وندا 800 مىڭعا تارتا ارا بولعان كورىنەدى. ءۇي يەسى شاتىر استىندا مۇنداي قاۋىپتى «قوناقتار» بارىن بىلگەن-بىلمەگەنى ازىرگە بەلگىسىز.
ارا تالاپ تاستاعان جۇمىسشىلاردىڭ ءبىرى اۋرۋحاناعا جەتكىزىلىپ، كوپ ۇزاماي قايتىس بولعان. ەكىنشىسى قازىر دارىگەرلەردىڭ باقىلاۋىندا. وقيعا ورنىنا ارنايى كيىممەن كەلگەن ءورت سوندىرۋشىلەر ارالاردىڭ كوزىن جويدى.
BNews.kz
