08:30, 05 - قىركۇيەك 2014 | GMT +5
جىل سايىن الەمدە 800 مىڭ استام وزىنە- ءوزى قول جۇمساۋ جاعدايلارى تىركەلەدى
استانا. قازاقپارات - جىل سايىن الەمدە 800 مىڭنان استام وزىنە- ءوزى قول سالۋ جاعدايلارى تىركەلەدى. بۇل تۋرالى سۋيتسيدتىڭ الدىن الۋ بويىنشا دۇنيەجۇزىلىك دەنساۋلىق ساقتاۋ ۇيىمىنىڭ بايانداماسىندا حابارلاندى.
ستاتيستيكا بويىنشا 15-تەن 29 جاس ارالىعىنداعى ادامدار ىشىندە وزىنە- ءوزى قول جۇمساۋ ءولىم- ءجىتىمنىڭ نەگىزگى سەبەپتەرىنىڭ ءبىرى بولىپ تابىلادى. الايدا سۋيتسيدكە ارەكەت جاساۋعا كوبىنەسە 70 تەن اسقان قارتتار تالپىنادى ەكەن.
اتاپ ايتقاندا، ەرلەر ايەلدەرگە قاراعاندا وزدەرىنە ءۇش ەسە ءجيى قول سالادى. سونىمەن قاتار سۋيتسيدتىڭ تورتتەن ءۇش بولىگى تابىس دەڭگەيى تومەن نەمەسە كىرىسى ورتاشا ەلدەردىڭ ۇلەسىندە.
اۆتور: رۋسلان عابباسوۆ
