دامىعان ەلدەردە ءومىر ۇزاقتىعى 80.5 جاسقا دەيىن ءوستى

استانا. قازاقپارات - دامىعان ەلدەردە ءومىر ۇزاقتىعى وتكەن عاسىردىڭ 70- جىلدارىمەن سالىستىرعاندا 10 نان استام جىلعا وسكەن، دەپ ەسەپتەيدى حالىقارالىق ەكونوميكالىق ىنتىماقتاستىق جانە دامۋ ۇيىمى (ح ە ى د ۇ).

ۇيىمعا 34 ەل مۇشە بولىپ تابىلادى.

ۇيىمنىڭ سارسەنبى كۇنى باسىپ شىعارىلعان ماتەريال جيناعىندا ح ە ى د ۇ- دا ءومىر ۇزاقتىعى ورتاشا ەسەپپەن العاندا شامامەن 70 تەن 80.5 جىلعا دەيىن وسكەن. الەم ەلدەرىندە بۇل جاعىنان ەڭ كوپ ءوسىمدى تۇركيا مەن ءۇندىستان كورسەتتى، ونداعى ورتاشا ءومىر ۇزاقتىعى ۇشتەن ءبىر ەسە وسكەن: 1970-جىلى تۇركيادا 55 جاس دەڭگەيىندە بولسا، 2013-جىلعا قاراي شامامەن 50 دەن 76,6 جاسقا دەيىن وسكەن. ءۇندىستاندا ءومىردىڭ ورتاشا ۇزاقتىعى شامامەن 50 جاستان 66,5 جاسقا دەيىن ءوستى، الايدا ولار بۇل ولشەم بويىنشا الەمدەگى ەڭ تومەن ناتيجە كورسەتكەن ەلدەردىڭ ءبىرى بولىپ قالىپ وتىر.

ءوسىمنىڭ بولار-بولماس كورسەتكىشتەرىنىڭ ءبىرى - رەسەيدە. ۇيىم ماتەريالدارىندا ايتىلعانداي، 1970-جىلى رەسەيلىك ازاماتتىڭ ءومىرىنىڭ ورتاشا مەرزىمى شامامەن 68 جاس بولسا، 2013-جىلعا قاراي 71 جاسقا دەيىن وسكەن. سالىستىرمالى ءوسىمدى ليتۆا مەن لاتۆيا كورسەتكەن، الايدا ولاردىڭ 2013-جىلعى كورسەتكىشتەرى ر ف- عا قاراعاندا شامامەن ءبىر نەمەسە ەكى جىل كوپ بولعان (تيىسىنشە 73.9 جانە 73.5 جاس). تىزىمدە رەسەي تەك ەكى ەلدەن قالىپ وتىر - بۇل وڭتۇستىك افريكا (56,8 جاس) جانە ءۇندىستان.

ح ە ى د ۇ- نىڭ مالىمەتتەرىنشە، ەڭ كوپ ءومىر سۇرەتىندەر - بۇل جاپوندىقتار. جاپوندىق ازاماتتاردىڭ ورتاشا ءومىر ۇزاقتىعى 2013-جىلى 83 جاستان ءسال اسقان. جاپونيادان كەيىن بۇل كورسەتكىش بويىنشا سالىستىرمالى ساندارمەن يسپانيا مەن شۆەيتساريا تۇر.

زەرتتەۋشىلەردىڭ مالىمەتتەرى بويىنشا، 1800-جىلى ەلدەگى ايەلدەر ءومىرىنىڭ ورتاشا ۇزاقتىعى 33 جاس، ەر ادامداردا - 31 جاس بولعان.