8-ناۋرىز جاقىندادى: قازاقستان گۇلدەردى قاي ەلدەردەن جەتكىزەدى؟

استانا. KAZINFORM - قازاقستان قاي ەلدەردەن گۇل يمپورتتاپ وتىرعانى بەلگىلى بولدى. بۇل مالىمەتتى ۇلتتىق ستاتيستيكا بيۋروسى جاريالادى.

2025-جىلى قازاقستان جالپى قۇنى 77,6 ميلليون ا ق ش دوللارى بولاتىن 10954 توننا گۇل مەن گۇل بۇرشىگىن يمپورتتاعان. 2024-جىلى يمپورت كولەمى بۇدان 1,4 مىڭ تونناعا ارتىق بولعان.

گۇلدەردى نەگىزگى جەتكىزۋشى - ەكۆادور. جالپى يمپورتتالعان گۇل كولەمىنىڭ 41,9 پايىزى نەمەسە 4586 تونناسى وسى ەلدەن جەتكىزىلگەن. سونداي-اق، مىنا ەلدەردەن دە اكەلىنەدى:

قىتاي - 2678 توننا؛

نيدەرلاند - 1702 توننا؛

كولۋمبيا - 778 توننا؛

كەنيا - 739 توننا.

بىلتىر الەمنىڭ 45 ەلىنەن گۇل جەتكىزىلگەن. قازاقستانعا نەگىزىنەن راۋشان گۇلدەرى يمپورتتالعان، كولەمى - 6219 توننا.