ادام سانى 8,6 ميلليون: قازاقستاندا ىشكى تۋريستەر سانى بويىنشا رەكورد تىركەلدى
بۇل 2021 -جىلمەن سالىستىرعاندا 1,7 ميلليون ادامعا كوپ.
سونداي-اق، ەلىمىزدە دەمالىس ورىندارىنىڭ سانى بىرنەشە جۇزگە ارتقانى دا ماڭىزدى. ماسەلەن، بىلتىر تۋريستەردى ورنالاستىرۋعا ارنالعان 284 جاڭا ورىن تىركەلگەن، ەلىمىز بويىنشا ولاردىڭ جالپى سانى 4 مىڭعا جەتتى. ال ءبىر مەزگىلدەگى سىيىمدىلىق 10 مىڭ بىرلىككە ارتىپ، 203 مىڭنان استام توسەك- ورىندى قۇرادى. بۇل تۇرالى ق ر م س م باسپا ءسوز قىزمەتى دەپ حابارلايدى.
«بىزگە شەتەلدىك قوناقتاردى تارتۋمەن قاتار ىشكى تۋريزم كورسەتكىشتەرى دە ماڭىزدى. مىسالى، ەلىمىزدە ءبىر جىلدان استام ۋاقىت بويى Kids go Free باعدارلاماسى جۇمىس ىستەيدى، سونىڭ ارقاسىندا بالالارعا قازاقستان بويىنشا تەگىن ۇشاق بيلەتتەرى ۇسىنىلادى. سونداي- اق ەل ىشىندە ساياحاتتايتىن ازاماتتار ءۇشىن تۋريستىك كەشبەك ەنگىزۋ جوسپارلانىپ وتىر. ءبىز قازىردىڭ وزىندە بار دەستيناتسيالار مەن ىشكى تۋريزمگە دەگەن قىزىعۋشىلىقتى ارتتىرۋ باعىتىندا جۇمىستى جالعاستىرامىز»، - دەدى مادەنيەت جانە سپورت ۆيتسە-ءمينيسترى ەرجان ەركىنبايەۆ.
ەستەرىڭىزگە سالا كەتەيىك، وسىعان دەيىن ەلىمىزدە تۋريزم سالاسىنداعى كاسىپكەرلەردى مەملەكەتتىك قولداۋدىڭ بىرنەشە قۇرالى ىسكە قوسىلعان بولاتىن. ولاردىڭ ىشىندە - تۋريستىك نىسانداردى سالۋعا جانە قاجەتتى جابدىقتاردى ساتىپ الۋعا جۇمسالعان بيزنەستىڭ شىعىندارىن ءىشىنارا وتەۋ. بۇل مادەنيەت جانە سپورت مينيسترلىگىنىڭ باستاماسىمەن جۇزەگە اسقان 7 زاڭنامالىق نورمانىڭ ارقاسىندا مۇمكىن بولىپ وتىر.
بىرىنشىدەن، تۋريستىك وبەكتىلەردى سالۋ جانە رەكونسترۋكتسيالاۋ ءۇشىن كاسىپكەرلىك سۋبەكتىسىنە ونىڭ شىعىندارىنىڭ %10 وتەلەدى. ەكىنشىدەن، بيزنەسمەنگە جول بويىنداعى قىزمەت كورسەتۋ نىساندارىن (قوناق ۇيلەر، جانار-جاعارماي قۇيۋ بەكەتتەرى، ساۋدا جانە تاماقتانۋ پۋنكتتەرى جانە ت. ب. ) سالعانى ءۇشىن دە وسى مولشەردە وتەماقى قاراستىرىلعان. ۇشىنشىدەن، 8 جانە ودان دا كوپ ورىندىق تۋريستىك اۆتوبۋستاردى ساتىپ العانى ءۇشىن %25 مولشەردە وتەماقى ەنگىزىلدى. تورتىنشىدەن، وسى مولشەردە تاۋ شاڭعىسى كۋرورتتارىنا ارنالعان جابدىقتى ساتىپ الۋ شىعىندارى دا قايتارىلادى. سونداي-اق سانيتارلىق- گيگيەنالىق توراپتاردى ۇستاۋ (ايىنا 83000 تەڭگە) سۋبسيديالانادى.
