قور نارىعىندا دوللار باعامى 8,19 تەڭگەگە تومەندەدى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تومەندەدى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى بىردەن 8,19 تەڭگەگە تومەندەپ، 1 دوللار 461,98 تەڭگە بولدى.

ۇلتتىق بانكتىڭ 24-تامىزداعى رەسمي باعامى - 1 دوللار ءۇشىن 470,45 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 466 تەڭگە، ساتىپ الۋ - 471 تەڭگە.

ال، نۇر-سۇلتان قالاسى بويىنشا ساتۋ باعامى - 466 تەڭگەدەن بولسا، ساتىپ الۋ - 470، رەسەي رۋبلى 7,25 - 7,45 تەڭگە ارالىعىندا ساۋدالانىپ جاتىر.