ماڭعىستاۋدا سالماعى 7 كەلىگە جۋىق الىپ بالا دۇنيەگە كەلدى

اقتاۋ. قازاقپارات - ماڭعىستاۋ وبلىستىق پەريناتالدى ورتالىعىندا سالماعى 6 كەلى 880 گرام بولاتىن بالا دۇنيەگە كەلدى. ءسابيدىڭ جاعدايى ءبىرقالىپتى، دەپ حابارلايدى قازاقپارات Lada.kz رەسۋرسىنا سىلتەمە جاساپ.

نارەستەنىڭ اناسى مۇنايلى اۋدانىندا تۇرادى، بۇل - ونىڭ ءتورتىنشى بالاسى.

دارىگەرلەردىڭ ايتۋىنشا، انانىڭ دا، بالانىڭ دا جاعدايى جاقسى. اناسىنا كەسار تىلىگى ارقىلى وتا جاسالعان.

- تەكسەرۋ بارىسىندا بوساناتىن ايەلدىڭ بالاسى وتە ءىرى ەكەنىن تۇسىندىك. سودان اقىلداسىپ، ونى كەسار تىلىگى ارقىلى بوساندىرۋ كەرەك دەپ شەشتىك. وپەراتسيا ءساتتى اياقتالدى. مۇنداي جاعدايلار سيرەك كەزدەسەدى، ويتكەنى وسىنداي سالماقپەن سابيلەردىڭ دۇنيەگە كەلۋى - ەرەكشە قۇبىلىس، - دەپ حابارلادى وبلىستىق پەريناتالدى ورتالىقتىڭ باسپا ءسوز قىزمەتى.

بالا مەن انا بىرنەشە كۇن دارىگەرلەردىڭ باقىلاۋىندا بولىپ، ۇيىنە شىعارىلدى.

شىققان كەزدە نارەستەنىڭ سالماعى 6 كەلى 280 گرام بولعان.

ءتورت كەلىدەن اساتىن بالالار - ءىرى، ال سالماعى 5000 گرامنان اساتىن سابيلەر الىپ بالا سانالادى.