الماتىداعى ءال-فارابي داڭعىلىندا بولعان ءىرى جول اپاتىنان 7 ادام زارداپ شەكتى

الماتى. قازاقپارات - ءال-فارابي داڭعىلىندا بولعان ءىرى جول اپاتىنان زارداپ شەككەندەردىڭ جاعدايى بەلگىلى بولدى، دەپ حابارلايدى قازاقپارات ءتىلشىسى.

الماتى قالالىق دەنساۋلىق ساقتاۋ باسقارماسى مالىمەتىنشە، جول اپاتىنان 7 ادام زارداپ شەكتى، ونىڭ 4 ءۋى بالا.

«ءبىر ەرەسەك ادام وقيعا ورنىندا اۋرۋحاناعا جاتقىزۋدان باس تارتتى، ەكەۋىن جەدەل جاردەم بريگاداسى قالالىق كلينيكالىق اۋرۋحانا مەن ورتالىق كلينيكالىق اۋرۋحاناعا جەتكىزدى. باس جاراقاتىن الىپ، دەنەسى كوگەرگەن. بارلىق مەديتسينالىق تەكسەرۋلەردەن كەيىن ولار امبۋلاتورلىق ەمدەۋگە جىبەرىلدى»، - دەپ حابارلادى دەنساۋلىق ساقتاۋ باسقارماسىنان.

ءتورت بالا بالالار جەدەل مەديتسينالىق جاردەم ورتالىعىنا جەتكىزىلدى.

«بارلىق قاجەتتى مەديتسينالىق تەكسەرۋلەر جۇرگىزىلىپ، ماماندار تەكسەردى. تەكسەرۋ كەزىندە باس-مي جاراقاتى مەن نەيروحيرۋرگيالىق پاتولوگيا دەرەكتەرى انىقتالعان جوق. بارلىق 4 ناۋقاس جۇمساق تىندەردىڭ كوگەرۋى دياگنوزىمەن امبۋلاتورلىق ەمدەۋگە جىبەرىلدى»، - دەپ اتاپ ءوتتى باسقارمانىڭ باسپا ءسوز قىزمەتى.

ەسكە سالساق، 21- تامىز كۇنى الماتىنىڭ ءال-فارابي داڭعىلىندا ءىرى جول اپاتى بولدى.

كەيىن جەلىدە ءىرى جول اپاتىنىڭ ۆيدەوسى تارادى.