ەلىمىزدىڭ 7 وڭىرىندە اۋا رايىنا بايلانىستى ەسكەرتۋ جاريالاندى

استانا. قازاقپارات - سينوپتيكتەردىڭ بولجامىنشا، 7-قاراشادا ەلدىڭ جەتى وڭىرىندە تۇمان ءتۇسىپ، جاۋىن- شاشىن بولادى جانە جەل سوعادى، دەپ حابارلايدى قازاقپارات «قازگيدرومەت» رمك- عا سىلتەمە جاساپ.

ەرتەڭ كۇندىز سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە، شىعىسىندا كوكتايعاق، جاياۋ بۇرقاسىن كۇتىلەدى. باتىستان جەل سوعادى، تۇندە وبلىستىڭ سولتۇستىگىندە، شىعىسىندا، كۇندىز وبلىستىڭ وڭتۇستىگىندە ەكپىنى 15-20 م/س- قا جەتەدى. پەتروپاۆل قالاسىندا كۇندىز قار جاۋىپ، كوكتايعاق بولادى. باتىستان جەل سوعادى، تۇندە ەكپىنى - 15-20 م/س.

7-قاراشادا تۇندە جانە تاڭەرتەڭ اقتوبە وبلىسىنىڭ سولتۇستىگىندە، شىعىسىندا تۇمان تۇسەدى.

دۇيسەنب كۇنى باتىس قازاقستان وبلىسىنىڭ باتىسىندا، سولتۇستىگىندە تۇمان تۇسەدى. ورال قالاسىندا 7-قاراشادا تۇندە جانە تاڭەرتەڭ تۇمان كۇتىلەدى.

7-قاراشا تۇندە جانە تاڭەرتەڭ الماتى وبلىسىنىڭ وڭتۇستىگىندە، ورتالىعىندا جانە تاۋلى اۋداندارىندا تۇمان تۇسەدى، كۇننىڭ سوڭىندا وبلىستىڭ وڭتۇستىگىندە جانە ورتالىعىندا ەكپىنى 15-20 م/س بولاتىن جەل وڭتۇستىك- باتىستان سوعادى. الماتى جانە قونايەۆ قالالارىندا 7-قاراشا تۇندە جانە تاڭەرتەڭ تۇمان تۇسەدى.

تۇندە 7-قاراشادا جەتىسۋ وبلىسىنىڭ ورتالىعىندا جانە تاۋلى اۋداندارىندا تۇمان كۇتىلەدى. تالدىقورعان قالاسىندا تۇندە 7-قاراشادا تۇمان تۇسەدى.

7-قاراشادا تاڭەرتەڭ جانە كۇندىز تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرلى اۋداندارىندا قاتتى جاڭبىر جاۋۋى ىقتيمال. وبلىستىڭ سولتۇستىگىندە، تاۋلى اۋداندارىندا تۇمان تۇسەدى. وڭتۇستىك- باتىستان، باتىستان جەل سوعادى، تۇندە تاۋلى اۋدانداردا، تاڭەرتەڭ جانە كۇندىز وبلىستىڭ سولتۇستىگىندە، وڭتۇستىگىندە، تاۋلى جانە تاۋ بوكتەرلى اۋداندارىندا جەلدىڭ كۇشى 15-20, تاۋ اسۋلارىندا ەكپىنى 23-28 م/س- قا جەتەدى. شىمكەنت قالاسىندا 7-قاراشادا تاڭەرتەڭ جانە كۇندىز قاتتى جاڭبىر جاۋادى. وڭتۇستىك- باتىستان، باتىستان جەل سوعادى، تاڭەرتەڭ جانە كۇندىز ەكپىنى - 15-20 م/س. تۇركىستان قالاسىندا وڭتۇستىك- باتىستان، باتىستان جەل سوعادى، تاڭەرتەڭ جانە كۇندىز ەكپىنى 15-20 م/س- قا جەتەدى.

كۇندىز 7-قاراشادا جامبىل وبلىسىنىڭ وڭتۇستىك- باتىسىندا، سولتۇستىگىندە قاتتى جاڭبىر جاۋادى، تاۋلى اۋداندارىندا قاتتى جاۋىن- شاشىن (جاڭبىر، قار) ، تاۋلىك بويى 8-قاراشادا وڭتۇستىگىندە، تاۋلى اۋداندارىندا قاتتى جاۋىن- شاشىن (جاڭبىر، قار) كۇتىلەدى. تۇندە جانە تاڭەرتەڭ 7-8-قاراشادا تۇمان تۇسەدى. سولتۇستىك- شىعىستان سوعاتىن جەل وڭتۇستىك- باتىس جەلىنە اۋىسادى، وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا 15-20 م/س، 7-قاراشادا كۇندىز ، 8-قاراشادا تاۋلىك بويى جەلدىڭ ەكپىنى 23-28 م/س- قا جەتەدى. تاراز قالاسىندا 7-8-قاراشادا تۇندە جانە تاڭەرتەڭ تۇمان تۇسەدى. كۇندىز 7-8-قاراشادا وڭتۇستىك- باتىستان جەل سوعادى، ەكپىنى - 15-20 م/س.

قىزىلوردا وبلىسىنىڭ سولتۇستىگىندە تۇمان تۇسەدى.

7-قاراشادا ۇلىتاۋ وبلىسىنىڭ سولتۇستىگىندە، وڭتۇستىگىندە، قاراعاندى وبلىسىنىڭ وڭتۇستىگىندە، شىعىسىندا تۇمان، كوكتايعاق كۇتىلەدى.