ينتەرنەت-الاياقتار ەل تۇرعىندارىنا 7 ميلليارد تەڭگە شىعىن كەلتىردى
ق ر ىشكى ىستەر مينيسترلىگىنىڭ وكىلى شۇعىلا تۇرلىبەكتىڭ ايتۋىنشا، ينتەرنەت-الاياقتىققا قارسى بىرلەسكەن جۇمىستى تالقىلاۋ ءۇشىن مينيسترلىتە ارنايى وتىرىس ءوتتى.
«جيىنعا قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ وكىلدەرى قاتىستى. سونداي-اق بايلانىس وپەراتورلارىنىڭ باسشىلارى مەن جاۋاپتى ماماندارى كەزدەسۋگە ونلاين رەجيمدە قوسىلدى. كەڭەستە سوڭعى التى جىلدا ينتەرنەت-الاياقتىق فاكتىلەرىنىڭ سانى ايتارلىقتاي ارتقانى اتاپ ءوتىلدى»، - دەدى ش. تۇرلىبەك ۆەدومستۆونىڭ ونلاين بريفينگىسىندە.
ەگەر 2016-جىلى وسىنداي مىڭ قىلمىس تىركەلسە، 2021-جىلى الاياقتىق سانى 21 مىڭعا دەيىن وسكەن.
جىل باسىنان بەرى 11763 وقيعا تىركەلىپ، الاياقتاردىڭ كەسىرىنەن 7 ميلليارد تەڭگە شىعىن كەلتىرىلدى. 571 قىلمىسكەر، 17 ۇيىمداسقان قىلمىستىق توپ ۇستالدى.
«بۇعان دەيىن مينيسترلىكتىڭ باستاماسى بويىنشا ونلاين-قارىز الۋ كەزىندە كليەنتتەردى سايكەستەندىرۋدىڭ بانكتىك راسىمدەرى قاتاڭداتىلدى. قازىرگى كەزدە الاياقتار ابونەنتتىك نومىرلەردى اۋىستىرۋ بويىنشا سەرۆيستەردى، تەلەفوندارعا قاشىقتان قول جەتكىزۋ ءۇشىن ارنايى قوسىمشالاردى پايدالانادى. سونداي-اق ولاردىڭ اراسىندا شەتەلدەن ارەكەت ەتەتىندەر دە بار. جالپى، اۋىستىرۋ نومىرلەرىن بۇعاتتاۋ جۇيەسى تەلەفوندىق الاياقتىق فاكتىلەرىن ازايتۋى كەرەك. بۇگىندە ونى قازاقستاندىق بايلانىس وپەراتورلارى بەلسەندى تۇردە ينتەگراتسيالاپ جاتىر»، - دەدى ش. تۇرلىبەك.
بۇدان بۇرىن حابارلانعانداي، ءبىر اپتا ىشىندە ەلىمىزدە 3397 قىلمىس تىركەلدى. ونىڭ 1986 ى تاۋلىك ىشىندە اشىلدى.
