دەنساۋلىعىمىزعا پايدالى 7 مينۋت

None
None
نۇر-سۇلتان. قازاقپارات - 1. تاڭەرتەڭ ويانعان سوڭ 5 مينۋت كوزىڭىزدى اشپاي جاتا تۇرۋدىڭ پايداسى مول. ارتىنشا الاقاندارىڭىزدى ءبىر-بىرىنە جاقسىلاپ ۇيكەلەڭىز. قۇلاق اعزانى باسقارۋدىڭ نەگىزگى تەتىگى بولعاندىقتان، ونى دا ۋقالاۋ كەرەك.

ول ءۇشىن باس بارماق، سۇق جانە ورتانشى ساۋساقتارىمىزدىڭ كومەگىمەن قۇلاعىمىزدى 30 رەت جوعارى-تومەن قوزعالتامىز. وسى ءراسىم بارىسىندا باس بارماق قۇلاقتىڭ ارتىندا ورنالاسۋى ءتيىس.

2. وڭ الاقانىڭىزدى ماڭدايىڭىزعا، ارتىنشا ونىڭ ۇستىنە سول الاقىنىڭىزدى قويىپ، وڭعا-سولعا 30 رەت جىلجىتۋ ارقىلى ۋقالاڭىز. ايتپاقشى، بۇل باس اۋرۋىنان ارىلۋعا دا كومەكتەسەدى.

3. جۇدىرىقتى ءتۇيىنىپ، باس بارماقتىڭ كومەگىمەن كوزىڭىزدى ۋقالاڭىز. اتالعان ۋقالاۋ مۇرىننان قۇلاققا قاراي جىلجۋ ارقىلى جۇزەگە اسۋى ءتيىس. بۇل جاتتىعۋ كوزدىڭ كورۋىن جاقسارتادى.

4. وڭ جانە سول الاقانىڭىزدى ءبىر-ءبىرىنىڭ ۇستىندە ورنالاساتىنداي ەتىپ تاماق قالقانشاسىنىڭ ۇستىنە قويىڭىز. ارتىنشا تاماقتىڭ تومەنگى تۇسىنان ءىش قۋىسىنداعى جۇيكەلەردىڭ تۇتاسىپ بىرىگىپ كەتكەن جەرىنە دەيىن 30 رەت ۋقالاڭىز.

5. جاتقان كەزدە كەرىلىپ، ىشىڭىزگە 30 رەت اۋا تولتىرىڭىز. مۇمكىندىگىنشە ءىشىڭىزدى ۇلكەنىرەك ەتۋگە تىرىسىڭىز.

6. تىزەڭىزدى الما-كەزەك 15 رەتتەن كەۋدەڭىزگە جەتكىزىڭىز.

7. ءىش قۋىسىنداعى جۇيكەلەردىڭ تۇتاسىپ بىرىگىپ كەتكەن جەرگە ەكى الاقانىڭىزدى ءبىر-ءبىرىنىڭ ۇستىنە ورنالاساتىنداي ەتىپ قويىپ، ساعات باعىتىندا جىلجىتۋ ارقىلى 30 رەت ۋقالاڭىز.

8. توسەكتىڭ جيەگىنە وتىرىپ اياعىڭىزدى ايقاستىرىڭىز. ارتىنشا تابانىڭىزدى جۇدىرىقتىڭ كومەگىمەن 15 رەت ۋقالاڭىز.

9. جوعارىداعى گيمناستيكانى جاساپ بولعان سوڭ 1 ستاقان قايناعان سۋ ءىشۋ كەرەك، ءار جاتتىعۋدى 7 مينۋت ورىنداعاندا اسەرى مول بولادى.

جانە ەڭ باستىسى نە جاساساڭىز دا، قۋانا وتىرىپ جاساۋ كەرەكتىگىن ۇمىتپاڭىز! ولاي بولماعان جاعدايدا، ءىستى قولعا الۋدىڭ ەش قاجەتى بولمايدى.



سوڭعى جاڭالىقتار