ماماندىق تاڭداۋ 7- سىنىپتان باستالادى
بۇل تۋرالى پرەمەر- ءمينيستردىڭ ورىنباسارى ەرالى توعجانوۆ «حابار 24» ارناسىنا بەرگەن سۇحباتىندا ايتتى.
ونىڭ سوزىنە سۇيەنسەك، پاۆلودار وبلىسىندا «جاڭا ماماندىقتار اتلاسى» بويىنشا پيلوتتىق جوبا اپروباتسيادان ءساتتى ءوتىپ جاتىر.
ەرالى توعجانوۆ، ق ر پرەمەر- ءمينيسترىنىڭ ورىنباسارى:
- مەن وتكەندە پاۆلودارعا ارنايى بارىپ كەلدىم. ءبارىن قازىر قاراستىرىپ، بۇكىل قازاقستان بويىنشا تاراتاتىن بولامىز. ول جەردەگى نەگىزگى سۇراقتار مەكتەپتەن باستالادى. 7- سىنىپتان باستاپ، بالالاردى دايىنداۋىمىز كەرەك. ول جەردە اتا- انالار دايىندالۋ كەرەك. اتا- انالار عانا ەمەس، سول وڭىردەگى ءىرى كومپانيالار دايىندالۋ كەرەك. بولاشاقتا كىمدەر ولارعا كەلەدى. گەرمانيادا مىسالعا، اتا- انالار دا، بالالار دا بولاشاقتا بالاسىنىڭ كىم بولاتىنىن مەكتەپ قابىرعاسىندا جۇرگەننەن باستاپ بىلەدى.
