ەربولات دوسايەۆ پرەزيدەنتكە ينفلياتسيانىڭ نەگە 7 پايىزعا دەيىن ۇدەپ كەتكەنىن ءتۇسىندىردى
مەملەكەت باسشىسىنا بيىلعى قاڭتار-مامىر ايلارىنداعى اقشا-نەسيە ساياساتىن جۇزەگە اسىرۋدىڭ الدىن الا قورىتىندىلارى جانە الەمدەگى ىسكەرلىك بەلسەندىلىكتىڭ قالپىنا كەلۋى جونىندە، ينفلياتسيانىڭ ءوسۋى مەن ينفلياتسيالىق بولجامدار اياسىندا ورتالىق بانكتەردىڭ بەيتاراپ اقشا- نەسيە ساياساتىنا كوشۋى تۋرالى باياندالدى.
پرەزيدەنتكە ەل ەكونوميكاسى ءوسىمىنىڭ وڭ باعىت الۋى جانە ونىڭ بيىلعى دامۋ پەرسپەكتيۆالارى، سونداي-اق، مەملەكەتتىك باعالى قاعازدار نارىعىندا جەكەلەگەن ينۆەستورلار مەن رەزيدەنت ەمەس ادامداردىڭ ىسكەرلىك بەلسەندىلىگىنىڭ قايتا قالپىنا كەلۋى جايىندا اقپارات بەرىلدى.
قاسىم-جومارت توقايەۆقا التىن باعاسىنىڭ وسۋىنە، سىرتقى نارىقتارداعى قولايلى جاعدايدىڭ ناتيجەسىندە ينۆەستيتسيالىق كىرىس پەن ۇلتتىق قورعا تۇسكەن قارجىنىڭ ارتۋىنا بايلانىستى 2016-جىلعى قىركۇيەكتەن بەرى العاش رەت قازاقستاننىڭ جالپى حالىقارالىق رەزەرۆىنىڭ كولەمى 95 ميلليارد ا ق ش دوللارىنا دەيىن جەتكەنى ايتىلدى.
ەربولات دوسايەۆ مەملەكەت باسشىسىنا بيىلعى مامىردا ينفلياتسيانىڭ 7,2 پايىزعا دەيىن ۇدەۋ سەبەپتەرى جانە ۇلتتىق بانكتىڭ بيىلعا ارنالعان نەگىزگى ماكروەكونوميكالىق كورسەتكىشتەر بويىنشا جاڭارتىلعان بولجامدارى تۋرالى جەتكىزدى.
سونىمەن قاتار بانك جۇيەسىندەگى تەڭگەلىك سالىمداردىڭ ءوسۋ ءۇردىسى جانە ۇلتتىق بانك ەسەبىنەن قارجىلاندىرىلاتىن داعدارىسقا قارسى پرەزيدەنت باستامالارىنىڭ ورىندالۋ بارىسى تۋرالى مالىمەت بەرىلدى.
كەزدەسۋ قورىتىندىسى بويىنشا قاسىم-جومارت توقايەۆ ءبىرقاتار ناقتى تاپسىرما بەردى.
