قازاقستاندا مۇناي- گاز- حيميا سالاسىنا ماماندانعان 7 زاۋىت سالىنباق
جوبالاردىڭ جالپى قۇنى - 12,7 ميلليارد دوللار، دەپ حابارلايدى قازاقپارات ءتىلشىسى.
«ۇكىمەتپەن مۇناي- گاز سەكتورىن شيكىزاتتىق باعىتتان تەرەڭ وڭدەلگەن، قوسىلعان قۇنى جوعارى ءونىم شىعارۋعا باعدارلاۋ بويىنشا جۇمىس جۇرگىزىلۋدە. قويىلعان مىندەتتەردى ىسكە اسىرۋ ارقىلى مۇناي- گاز حيمياسى ونىمدەرى ءوندىرىسىنىڭ كولەمىن 2025 -جىلعا قاراي 2 ميلليون تونناعا جەتكىزۋ كوزدەلگەن»، - دەدى نۇرلان نوعايەۆ.
ءمينيستردىڭ سوزىنە قاراعاندا، وسىنىڭ ارقاسىندا مۇناي- گاز حيمياسى ونىمدەرىنىڭ ەكسپورتىن 2025 -جىلعا قاراي 8 ەسەگە ۇلعايتىپ، 1,336 ميلليارد دوللار تابىس اكەلۋى كوزدەلگەن.
«بۇل بارلىق كىرىستىڭ % 80- ىن قۇرايدى. وسىلايشا، 2025 -جىلعا دەيىن جالپى قۇنى 4,7 ميلليارد دوللار بولاتىن 5 زاۋىتتىڭ قۇرىلىسىن اياقتاپ، جالپى قۇنى 12,7 ميلليارد دوللار بولاتىن 7 زاۋىتتىڭ قۇرىلىسىن باستاۋ كوزدەلۋدە»، - دەدى ۆەدومستۆو باسشىسى.
اۆتور: ەسىمجان ناقتىباي
