كوروناۆيرۋس: 7 ءوڭىر «قىزىل» ايماقتا تۇر
بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
قازاقستاندا 6-ساۋىردە COVID-19-دىڭ وڭ ناتيجەسىمەن 256837 ناۋقاس، ال ك ۆ ي تەرىس ناتيجەمەن 50839 ناۋقاس تىركەلگەن. ەپيدەميولوگيالىق احۋالدى باعالاۋ ماتريتساسىنا سايكەس، «قىزىل» ايماقتا 7 ايماق - نۇر- سۇلتان، الماتى قالالارى، اتىراۋ، باتىس قازاقستان، الماتى، اقمولا، اقتوبە وبلىستارى تۇر. بۇل رەتتە الماتى مەن نۇر- سۇلتان قالالارى قىزىل ايماقتا 28 كۇن، باتىس قازاقستان وبلىسى 20 كۇن، اتىراۋ وبلىسى سوڭعى 2 اپتا، اقتوبە مەن الماتى وبلىستارى سوڭعى اپتا بويى جانە اقمولا وبلىسى سوڭعى تاۋلىكتە كىردى»، - مينيستر.
ونىڭ اتاپ وتۋىنشە، شىمكەنت قالاسى مەن قاراعاندى وبلىسى سارى ايماقتا بولسا، قالعان 8 ءوڭىر جاسىل ايماقتا ورنالاسقان.
«ناۋرىزدا اقپانمەن سالىستىرعاندا ناۋقاستانۋ ءوسىمىنىڭ 30 پايىزعا ارتقانى بايقالاتىندىعىن اتاپ وتكىم كەلەدى. ماسەلەن، تاۋلىگىنە 1800 گە دەيىن جاعداي تىركەلىپ وتىر. ءساۋىردىڭ 5 كۇنىنىڭ ىشىندە 9983 جاعداي، تاۋلىگىنە 2 مىڭنان استام ناۋقاس تىركەلۋدە»، - دەدى الەكسەي سوي.
