11:20, 03 - ءساۋىر 2021 | GMT +5
الماتىدا ءبىر كۇندە 7 مىڭنان استام ادامعا ۆاكسينا سالىندى
الماتى. قازاقپارات - الماتىدا ءبىر تاۋلىكتە 7 مىڭنان استام ادامعا كوروناۆيرۋسقا قارسى ۆاكتسينا ەگىلدى، دەپ حابارلايدى قازاقپارات ءتىلشىسى.
«2-ساۋىردەگى جاعداي بويىنشا 7060 ادامعا ۆاكتسينا سالىندى. بۇگىن الماتى قالاسىنىڭ تۇرعىندارىن يممۋنداۋ پروتسەسى جالعاسادى»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنان.
باسقارما مالىمەتىنشە، قازىر قالادا 56 ۆاكسينا ەگۋ پۋنكتى جۇمىس ىستەيدى. ايتا كەتەيىك، ۆاكسينانىڭ ءبىرىنشى كومپونەنتى %100 يگەرىلدى، بارلىعى 15750 دوزا پايدالانىلدى. «سپۋتنيك- V» ەكىنشى كومپونەنتىمەن ۆاكتسيناتسيا (رەۆاكسيناتسيا) 15-ساۋىرگە دەيىن جالعاسادى. بۇعان دەيىن الماتى اكىمى قالاعا اي سايىن 250 مىڭ دوزا ۆاكتسينا بولىنەتىنىن ايتقان بولاتىن. سونىمەن قاتار، ءساۋىر ايىندا مەگاپوليستە 250 ۆاكسينا پۋنكتى اشىلادى.
اۆتور: الما مۇقانوۆا
