لاتىن امەريكاسىندا كوروناۆيرۋس جۇقتىرعاندار سانى 7 ميلليوننان استى
حابارلامادا ايتىلعانداي، كەيبىر ەلدەر الەمدە كوروناۆيرۋستىق ينفەكسيانىڭ دەڭگەيى جوعارى وڭىردە كوروناۆيرۋس جۇقتىرعاندار سانىنىڭ ازايۋىن تىركەي باستاعان.
دەرەكتەر كورسەتكەندەي، ورتا ەسەپپەن ءبىر تاۋلىك ىشىندە اۋرۋ كورسەتكىشى سوڭعى جەتى كۇندە، سارسەنبىدە شامامەن 77800 جاعدايعا دەيىن تومەندەگەن. وتكەن اپتادا بۇل كورسەتكىش 85000 عا جەتتى، دەپ حابارلايدى قازاقپارات Reuters-كە سىلتەمە جاساپ.
امەريكا قۇراما شتاتتارىنان تىس جەرلەردە ەڭ كوپ زارداپ شەككەن برازيليا بەيسەنبى كۇنى 44235 جاڭا اۋرۋ جاعدايى جانە 984 ساعات ىشىندە 24 كىسى ءولىمى تىركەلگەنى تۋرالى حابارلادى. وسىلايشا ەلدەگى كوروناۆيرۋسپەن اۋىرعانداردىڭ جالپى سانى 3761391 ادامدى قۇرادى، COVID-19 قۇرباندارىنىڭ سانى 118649 عا جەتتى.
الاڭداتارلىق كورسەتكىشتەرگە قاراماستان، برازيليا بيلىگى ەلدە كۇندەلىكتى كوروناۆيرۋس جاعدايلارىنىڭ ازايۋى بايقالادى دەپ مالىمدەيدى. مەكسيكا بيلىگى دە اۋرۋ جاعدايلارى سانىنىڭ تۇراقتى تومەندەۋىن بايقاپ وتىرعاندىعىن حابارلادى.
دەگەنمەن دۇنيەجۇزىلىك دەنساۋلىق ساقتاۋ ۇيىمى (د د س ۇ) لاتىن امەريكاسىندا حالىق سانى بويىنشا ەكىنشى ورىندا تۇرعان ەلدەگى پاندەميانىڭ اۋقىمى باعالانباعانىن ايتادى. د د س ۇ مەكسيكا جانە وڭىردەگى باسقا دا ەلدەرگە كوروناۆيرۋستى تەستىلەۋ كولەمىن ۇلعايتۋ كەرەك دەپ مالىمدەدى.
سونىمەن قاتار، جاستار اراسىندا كوروناۆيرۋستىق ينفەكتسيانىڭ جوعارى دەڭگەيىنە الاڭداۋشىلىق ءبىلدىردى. برازيليا، پەرۋ، مەكسيكا، كولۋمبيا جانە چيلي ءالى كۇنگە دەيىن الەمدەگى كوروناۆيرۋس جاعدايى ءورشىپ تۇرعان 10 ەلدىڭ قاتارىنا كىرەدى.
پەرۋدە COVID-19 دان 28000 نان استام ءولىم تىركەلدى، بۇل وڭىردەگى جان باسىنا شاققانداعى ءولىم-ءجىتىمنىڭ ەڭ جوعارى كورسەتكىشى. سارسەنبىدە ارگەنتينادا پاندەميا باستالعاننان كەيىن العاش رەت ءبىر كۇندە كوروناۆيرۋس جۇقتىرعانداردىڭ سانى 10000 نان استى.
بەيسەنبىدە ەل بيلىگى كەيبىر پروۆينسيالاردا قاتاڭ وقشاۋلاۋ رەجيمىن قايتا كۇشەيتتى. لاتىن امەريكاسىنداعى COVID-19 جاعدايلارىنىڭ سانى نەبارى 13 كۇندە 6 ميلليوننان 7 ميلليونعا دەيىن ءوستى.
