الماتىدا كوروناۆيرۋس ىندەتىنەن 7 ادام جازىلدى
قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاۋىنشا، ناۋقاستاردىڭ ءبىرى - ايەل ادام «فرانكفۋرت -نۇر-سۇلتان-الماتى» باعىتى بويىنشا ۇشىپ كەلگەن.
ال ەكىنشىسى - «ماسكەۋ - الماتى» رەيسىمەن كەلگەن ەر ادام.
ەكەۋى دە ءتيىستى ەم-دوم شارالارىن الدى. ولار ەندى مەديتسينا قىزمەتكەرلەرىنىڭ باقىلاۋىندا 14 كۇندىك ءۇي كارانتينىندە بولادى.
وسىمەن الماتىدا كوروناۆيرۋستان 7 ادام جازىلىپ شىقتى.
قازىر قالالىق جۇقپالى اۋرۋلار ستاتسيونارلارىندا بارلىعى 60 ناۋقاس كوروناۆيرۋس ينفەكتسياسىنان ەمدەلىپ جاتىر. جاڭادان انىقتالعان 9 ناۋقاستىڭ التاۋى ينفەكتسيا جۇقتىرعاندارمەن بايلانىستا بولعانى انىقتالدى.
ءبىر ايەل ادام 19- ناۋرىزدا «مينسك - الماتى» رەيسىمەن، ءبىر پاتسيەنت «دۋبلين - ىستانبۇل - الماتى» باعىتىمەن جانە ءبىر ادام «ىستانبۇل - الماتى» رەيسىمەن ۇشىپ كەلگەن.
«56 ناۋقاستىڭ جاعدايى قاناعاتتانارلىق، 1 ايەلدىڭ جاعدايى اۋىر، 4 ەۋىنىڭ جاعدايى ورتاشا جانە 1 بالانىڭ دەنساۋلىعى جاقسارىپ كەلەدى. جالپى العاندا بۇگىنگى كۇنى پروۆيزورلىق ورتالىقتاردا 1032 ادام بار. ونىڭ 122 ءسى - بالا، 159 ادام كارانتيندىك وقشاۋلاۋدا، 1514 ء - ءۇي كارانتينىندە»، - دەلىنگەن اقپاراتتا.