الماتى وبلىسىندا 7 جىل حالىقارالىق ىزدەۋدە جۇرگەن شەتەلدىك ۇستالدى
56 جاستاعى ازاماتقا 2013-جىلى ەسىك قالاسىندا ءبىر ادامدى پىشاقتادى دەگەن ايىپ تاعىلىپ وتىر، دەپ حابارلايدى قازاقپارات ءتىلشىسى.
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ بەرگەن مالىمەتىنشە، 2013-جىلدىڭ شىلدە ايىندا ەسىك قالاسىنىڭ اۋرۋحاناسىنا 1965-جىلى تۋعان جەرگىلىكتى تۇرعىن پىشاق جاراقاتىمەن تۇسكەن. ءتارتىپ ساقشىلارى ونىڭ قۇرىلىس نىساندارىنىڭ بىرىندەگى توبەلەس كەزىندە جارالانعانىن انىقتاعان.
وقيعا ورنىنان قاشىپ كەتكەن كۇدىكتىنى ناقتىلاۋ بارىسىندا ونىڭ وزبەكستان ەلىنىڭ ازاماتى ەكەنى بەلگىلى بولدى. 1964-جىلعى ازامات الدىمەن رەسپۋبليكالىق ودان كەيىن حالىقارالىق ىزدەۋگە بەرىلگەن. كۇدىكتىنىڭ بەلگىلەرى بارلىق پوليتسيا بولىمدەرى مەن كورشى مەملەكەتتەرگە دە جىبەرىلدى. ءىس وبلىستىق پوليتسيا دەپارتامەنتىنىڭ قاداعالاۋىندا بولىپ، ەڭبەكشىقازاق اۋدانىنىڭ پوليتسەيلەرى وسى ۋاقىت بويى ىزدەستىرۋ شارالارىن توقتاتپاعان.
2- اقپان كۇنى ىزدەۋدە جۇرگەن ازاماتتىڭ ەڭبەكشىقازاق اۋدانىنداعى ساياجايلارىنىڭ بىرىندە جاسىرىنىپ جۇرگەنى انىقتالىپ، قولعا تۇسىرلگەن دەيدى، ۆەدومستۆا وكىلدەرى.
قازىرگى تاڭدا ق ر ق ك 106- بابى، 1-بولىگى ادام دەنساۋلىعىنا قاساقانا زيان كەلتىرۋ دەرەگى بويىنشا سوتقا دەيىنگى تەرگەۋ جۇرگىزىلىپ، كۇدىكتى قاماۋعا الىندى.
