مۇمكىندىگى شەكتەۋلى وقۋشىلار وليمپيادا ويىندارىندا 7 مەدال جەڭىپ الدى

None
None
الماتى. قازاقپارات - مۇمكىندىگى شەكتەۋلى الماتىلىق وقۋشىلار Special Olympics International ويىندارىندا 7 مەدال ۇتىپ الدى، دەپ حابارلايدى قازاقپارات ءتىلشىسى.

قالالىق اكىمدىكتىڭ قوعاممەن بايلانىس قىزمەتى حابارلاعانداي، ءدۇبىرلى دودا بىرىككەن اراب امىرلىكتەرىنىڭ استاناسى ابۋ دابي قالاسىندا 8-22 -ناۋرىز ارالىعىندا ءوتتى. سپورت سايىسىندا الەمنىڭ 190 ەلىنەن 24 سپورت ءتۇرى بويىنشا 7500 سپورتشى باق سىنادى. بۇل - تاياۋ شىعىس ەلدەرى تاريحىنداعى ءبىرىنشى ارنايى وليمپيادا. اشىلۋ سالتاناتىنا قۇرمەتتى قوناق رەتىندە شاقىرىلعان ق ر تۇڭعىش پرەزيدەنتى نۇرسۇلتان نازاربايەۆ قاتىستى.

بۇل ويىنداردا الماتىلىق وقۋشىلار 7 مەدالگە قول جەتكىزدى. اتاپ ايتقاندا، اقىل ەسى دامىماعان وقۋشىلارعا ارنالعان №7 مەكتەپ- ينتەرناتىنىڭ 8-سىنىپ وقۋشىسى سەرگەي بۋكۋيەۆ جەڭىل اتلەتيكا بويىنشا 2 قولا مەدال الدى. بۇل ويىنداردا قازاقستان قۇراماسىنان اتالعان مەكتەپتىڭ 4 تۇلەگى وينايدى. ولار دا قازاقستان قورجىنىنا 2 التىن، 2 كۇمىس مەدال سالدى.

الماتى تۇزەتۋ مەكتەپ ينتەرناتتارىنىڭ وقۋشىلارى بۇل جارىسقا قازاقستان Special Olympics قۇراماسىندا قاتىسىپ جاتىر. 2009 -جىلدان بەرى ولار 7 جۇلدە: 1 التىن، 1 كۇمىس، 5 قولا العان.

null 

«سپورتتىق شارالارعا بەلسەنە قاتىساتىن بالالار دەنە ءبىتىمىن جاقسى ۇستاي باستايدى. رۋحاني، الەۋمەتتىك جاعىنان دا دامي تۇسەدى. ارنايى وليمپيادا ويىندارىنىڭ انتى دا سوعان سايكەس: «ماعان جەڭۋگە رۇقسات ەتىڭىزدەر، دەگەنمەن جەڭە الماي قالسام، بارىنشا باتىلدىق تانىتتى دەپ ەسەپتەڭىزدەر!»، - دەدى Special Olympics قازاقستان ۇيىمداستىرۋشىلارى.

بۇل ويىندار - اقىل-ويىنىڭ دامۋىندا كىنارات بار ادامداردىڭ سپورتپەن اينالىسۋىنا مۇمكىندىك بەرەتىن الەمدەگى ەڭ ۇلكەن سايىس. ونى 1968 -جىلى يۋنيس كەننەدي شرايۆەر مەن ونىڭ جۇبايى ساردجەنت شرايۆەر اشقان. Special Olympics  قازاقستاندا 1990-جىلدان بەرى وتكىزىلىپ كەلەدى.

سوڭعى جاڭالىقتار