كولىكتە ساقتاۋعا بولمايتىن 7 زات

استانا. قازاقپارات - اۆتوكولىكتە قالدىرىپ كەتۋگە، ساقتاۋعا بولمايتىن زاتتار بولادى. ءبىرىن بىلسەك، ءبىرىن ەسكەرمەيمىز. نەگىزى كولىك دەگەن تاسىمال قۇرالى، ال زات ساقتاۋ قويماسى ەمەس.

 كەيدە ساقتايتىن زاتتارىڭىز دەنساۋلىعىڭىزعا قاۋىپ ءتوندىرۋى دە مۇمكىن. ول قانداي زاتتار ەكەن؟ بىلە جۇرەيىك.

 • ءدارى- دارمەك تۇرلەرى كولىكتە ءدارى قوبديشاسىنىڭ بولۋى زاڭدى. كەز كەلگەن ۋاقىتتا قاجەت بولىپ قالۋى مۇمكىن. ال قوبديشادان بولەك دارىلەردى سالوندا ساقتاۋعا بولمايدى. نەگىزىنەن ءدارى- دارمەك تۇرلەرى بولمە تەمپەراتۋراسىندا ساقتالادى. جازعى اپتاپ ىستىقتا ءدارىنىڭ كولىك ىشىندە بولۋى - ونىڭ دەرتكە قارسى اسەرىن ازايتادى. ءتىپتى دەنساۋلىققا زاردابىن تيگىزۋى دە مۇمكىن.

 • ەلەكتروندى قۇرىلعىلار قىمبات ەلەكتروندى قۇرىلعىلاردى دا كولىككە تاستاپ جۇرە بەرۋگە بولمايدى. سالوندا كورىنىپ- اق تۇرعان باعالى دۇنيەنى كورىپ، كەيبىرەۋلەردىڭ نيەتى بۇزىلۋى دا مۇمكىن.

 • كۇننەن قورعايتىن كرەمدەر كۇننەن قورعايتىن كرەمدەردى ىستىق تەمپەراتۋرادا ساقتاۋعا بولمايدى. جازدىڭ اپتاپ ىستىعىندا ءتىپتى قالدىرىپ كەتۋگە بولمايدى. الدىمەن كۇننەن قورعاۋ اسەرى تومەندەيدى. سونداي- اق قاتتى ىستىقتان قۇتىسى ءىسىنىپ، جارىلىپ توگىلۋى دە مۇمكىن.

 • بوتەلكەدەگى سۋ ىستىق كۇندەرى سۋدى كوپ ىشەمىز. كولىكتە ءجۇرىپ تە (سالون قانشا سالقىن بولسا دا) ءشول قىسادى. مۇندايدا بوتەلكەمەن سۋدى بىرگە الىپ جۇرەمىز، نە ساتىپ الامىز. كەيدە سول بوتەلكەدەگى سۋ سالوندا تۇرىپ جىلىپ- اق كەتەدى. ال مۇنىڭ دەنساۋلىققا زيانى كوپ. زەرتتەۋلەر ناتيجەسى بويىنشا، كۇن قىزعاندا پلاستيك بوتەلكەدەگى حيميكاتتار سۋعا جايىلادى ەكەن. ونىڭ اسەرىنەن قاتەرلى ىسىك، جۇرەك اۋرۋىنىڭ تۇرلەرى پايدا بولاتىن كورىنەدى.

 • سومكە، ءاميان كولىك سالونىندا سومكە، نە ءاميانىڭىزدى دا قالدىرماڭىز. از ۋاقىتقا بولسا دا، ايىرىلىپ قالۋىڭىز مۇمكىن. ۇرىلار مۇنداي ءساتتى كۇتەدى- اق.

 • كوزىلدىرىك كولىك جۇرگىزگەندە كۇن ساۋلەسىنەن قورعايتىن كوزىلدىرىك تاعاتىندار كوپ. ال ونى تۇسكەندە كولىك سالونىنداعى پانەلگە قويۋ سالۋعا بولمايدى. ىستىقتان قىزىپ كەتەدى. ءتىپتى اپتاپ ىستىق بولسا، كولىك تەرەزەسى اسەرىنەن ەرۋى دە مۇمكىن. ساقتىقتا قورلىق جوق. كوزىلدىرىكتى كۇننەن تاسا ورىنعا قويىپ شىعىڭىز.

 • قۇجاتتار كولىكتە اسا قاجەتتى قۇجاتتاردى ساقتاۋعا بولمايدى. ەڭ ءبىرىنشى قولدى بولۋى مۇمكىن. سونداي- اق ءبۇلىنىپ (جىرتىلىپ، ءبىر زات توگىلىپ) قالۋى دا عاجاپ ەمەس. اسىرەسە ساياحات كەزىندە جەكە قۇجاتىڭىزدى جان قالتاڭىزدان تاستاماعاڭىز ابزال.

Massaget.kz