كوركەم ادەبيەتتى وقۋعا 7 سەبەپ
1. ادامنىڭ بويىنداعى سەزىمتالدىلىقتى دامىتادى: كوركەم ادەبيەتتى وقۋ ادامنىڭ قيالىن دامىتىپ قانا قويماي، وزگەلەردىڭ ىشكى سەزىمىن تەرەڭىرەك تۇسىنۋگە كومەكتەسەدى. ولاردىڭ ادامداردىڭ ويلارىن ەركىن اڭعارىپ، شىنايى بەت- بەينەسىن تاني الادى. سونىمەن قاتار، ولاردىڭ بويىندا قايىرىمدىلىق، جاناشىرلىق سەزىمدەرى داميدى.
2. ستەرەوتيپتەردەن ارىلۋ: ءسىزدىڭ ويلاۋ كوكجيەگىڭىز ارتادى. سايكەسىنشە، اينالاڭىزدا ورىن الىپ جاتىرعان وقيعالارعا سايكەس وزىندىك كوزقاراس قالىپتاسۋمەن قاتار، "قوعامدىق" بىركەلكى پىكىردەن ارىلاسىز. قوعامدا جات سانالاتىن، ءبىراق، ادامدار اراسىندا كەزدەسەتىن ءىس- ارەكەتتەرگە بايلانىستى ويىڭىز جەتىلەدى. ادامدارعا تۇسىنىستىكپەن قاراۋدى ۇيرەنەسىز.
3. قيالدىڭ جۇيرىكتىگى: اعىلشىن ادەبيەتىنىڭ كلاسسيگى دجوزەف كونراد: "اۆتور كىتاپتىڭ جارتى بولىگىن جازادى. قالعانىن وقىرمان جازادى" دەگەن بولاتىن. شىنايى جازۋشى وقيعانىڭ بارلىعىن باياندامايدى. ءبىر تۇسىن وقىرماننىڭ قيالىنا قالدىرادى. مىسالى، كەيىپكەردىڭ داۋىسى، سىرت كەلبەتى كەيدە سول كۇيى جاسىرىن قالادى. وسىلايشا، وقىرماننىڭ ءوزىنىڭ قيالىنداعى كەيىپكەردى جاساپ شىعارادى.
4. ۇيقى مەن ساۋ جۇيكە جۇيەسى: كۇيزەلىسپەن كۇرەسىپ جۇرگەندەر ءۇشىن كىتاپتان ارتىق پايدالى "ءدارى" تابىلمايدى. زەرتتەۋگە سۇيەنسەك، 6 مينۋتتىق وقىلىم جۇمىسى جۇرەك سوعىسىن باياۋلاتىپ، بۇلشىق ەتتەردى %68عا دەيىن بوساڭسىتادى.
5. ەستە ساقتاۋ جۇيەسى مەن لوگيكا: "اباي جولىنىڭ" بارلىق كەيىپكەرىن ۇمىتىپ قالماۋ ءۇشىن مىقتى ەستە ساقتاۋ جۇيەسى مەن لوگيكانىڭ كەرەگى انىق. نەعۇرلىم قيىن سيۋجەتتى كىتاپتى وقىعان سايىن، ءسىزدىڭ ويلاۋ جۇيەڭىز بەن ميىڭىزدىڭ سول جارتى شارى جاقسى جۇمىس جاسايدى.
6. سوزدىك قوردىڭ باي بولۋى: 30 جاستاعى وقىرمانداردىڭ (اعىلشىندىقتار) اراسىنداعى ساۋالناما جۇرگىزۋ ناتيجەسى مىنانداي: ەگەر ادەمى سويلەگىڭىز كەلسە، كوركەم ادەبيەتتى وقىڭىز.
7. جاڭا مۇمكىندىكتەر جۋرناليست ءارى پروديۋسەر ليزا بۋ TED كونفەرەنتسياسىندا كوركەم ادەبيەتتىڭ تيگىزگەن سەپتىگى مەن شىعارماشىلىق داعدارىستى جەڭۋدە قانداي ءرول اتقارعانىن ايتقان بولاتىن.
Massaget.kz
