تاۋەلدىلىكتەن ارىلۋ: 7 قۇرىلعى

استانا. قازاقپارات - تاۋەلدىلىك بۇل بەلگىلى ءبىر نارسەگە قۇلشىنىستىڭ كەنەتتەن ارتۋى جانە ونسىز ءومىر سۇرە المايمىن دەگەن قاۋىپتى ويدىڭ اسەرىنەن تۋىندايدى.

تاۋەلدىلىكتىڭ كۇشتىلىگى سونشا -  ول ءسىزدى باسقارا وتىرىپ، ءسىزدىڭ سانالى تۇردە تاڭداۋ جاساۋىڭىزعا كەدەرگى كەلتىرەدى. زاماناۋي پسيحولوگتاردىڭ ويىنشا، تاۋەلدىلىك -  ادەت جانە ادامنىڭ ءىس- ارەكەتىنىڭ فورماسى. ادەتكە بۇل ادام ويلانباستان اۆتوماتتى تۇردە جاسايتىندىعىمەن ۇقسايدى. تاۋەلدىلىكتىڭ بەلگىلەرى: ارينە، سىزدە بەلگىلى ءبىر زاتقا تاۋەلدىلىك پايدا بولسا ونى ءوزىڭىز اڭعاراتىنىڭىز انىق. دەگەنمەن، ءجيى بايقالا بەرمەيتىن بەلگىلەرى دە بار: • ءوسىم: وتكەن اپتادا 5 كەكس جەدىڭىز جانە 3-4 قاسىق قانت سالىنعان 10 كەسە شاي ءىشتىڭىز. ال، مىنا اپتادا كەكس سانى 7 گە ارتتى، 12 كەسە شاي ءىشتىڭىز.

 • نەگىزگى مىندەتتەردى ورىنداۋعا قابىلەتتىڭ تومەندەۋى: جۇمىسقا كەشىگۋدى جيىلەتۋ.

بەلگىلى ءبىر ارەكەتتى توقتاتا الماۋ: ءتۇنى بويى دوستارىڭىزبەن بىرگەن كومپيۋتەر ويىنىن وينادىڭىز.

 • تۇيىقتىق: ۋاقىتىڭىز بولسا دا، دالاعا شىعىپ سەرۋەندەمەيسىز، دوستارىڭىزبەن ارالاسۋدى دوعاردىڭىز.

تاۋەلدىلىكتەن قۇتىلۋ ءۇشىن نە ىستەۋ كەرەك؟

 2004 -جىلى ستەنتون پيل اتتى مەديتسينا دوكتورىنىڭ «7 Tools to Beat Addiction» (تاۋەلدىلىكتەن ارىلۋ ءۇشىن كەرەك 7 قۇرىلعى) اتتى كىتابى جارىق كورگەن بولاتىن. بۇل كىتاپتا اۆتور ماسەلەنىڭ شەشىمىن تابۋدىڭ 7 جولىن كورسەتتى:

 1. جەتىستىك: سىزگە قوعامدا بەلگىلى ءبىر ورنى بار ماقساتتار بويىنشا جۇمىستانۋ كەرەك. ءتۇرلى مارافوندارعا قاتىسىڭىز، جۇمىس جاساڭىز، ءبىلىم الىپ، مانساپ قۋىڭىز. ادام قولى بوس كەزىندە نەمەسە كۇيزەلىس ۋاقىتىنا بەلگىلى ءبىر نارسەگە تاۋەلدى بولۋ مۇمكىندىگى ارتادى.

 2. سانالى ارەكەت سەرگەك بولىڭىز. سەرگەك ويلاڭىز ءارى قيمىلداڭىز. اقىلىڭىزدى تانىمدىلىققا جۇمساڭىز. تاۋەلدىلىك ادامنىڭ ساناسىن ءسوندىرىپ تاستايدى. سوندىقتان، ودان شىعۋ ءۇشىن يوگا، مەديتاتسيامەن اينالىسىڭىز.

 3. بەلسەندىلىك بويىڭىز قۋاتقا تولى بولسىن. نەعۇرلىم فيزيكالىق تۇرعىدا قوزعالىستا بولساڭىز، سوعۇرلىم جامان ويلاردان ارىلاسىز.

 4. دەنساۋلىق دۇرىس تاماقتانىڭىز، مەديتسينالىق كومەككە جۇگىنىڭىز، سپورتپەن اينالىسىڭىز، سالاۋاتتى ءومىر سالتىن ۇستانىڭىز. ويتكەنى، تاۋەلدىلىك دەرتىنە شالدىققان ادام دەنساۋلىعىن سوڭعى ورىنعا قويادى.

 5. جاۋاپكەرشىلىك بويىڭىزداعى بۇل قاسيەتتى دامىتىڭىز. تەك جاۋاپكەرشىلىك قانا ءسىزدى قيىن جاعدايدان الىپ شىعادى. جاۋاپكەرشىلىكپەن ارىڭىز تىعىز بايلانىس ورناتاتىنىن ۇمىتپاڭىز.

 6. وزىڭىزگە دەگەن سىيلاستىق تاۋەلدىلىك نەدەن پايدا بولادى؟ ەندى الدىمەن، قىزىعۋشىلىق بولسا، ەكىنشىسى، وزىڭىزگە دەگەن سىيلاستىقتىڭ بولماۋىنان تۋادى. ول ءسىزدىڭ فيزيكالىق جانە پسيحيكالىق دەنساۋلىعىڭىزەن تىعىز بايلانىستى. سوندىقتان، وزىڭىزگە دەگەن ماحابباتتى وياتىڭىز.

 7. قوعام ءبىز قوعامنىڭ بولشەگى ەكەنىمىزدى ۇققان ساتتە ءوزىمىزدىڭ ۇزدىكسىز مەحانيزمنىڭ ءبىر بولىگى رەتىندە سەزىنەمىز. ەگەر ءبىزدىڭ تاراپىمىزدان قاتەلىك بولسا، ءبىر قوعامعا قارا داق تۇسەتىنىن تۇسىنەمىز. سول كەزدە تاۋەلدىلىك دەرتى تۋرالى وي ساناڭىزدان اۆتوماتتى تۇردە جوعالادى.

Massaget.kz