ەلورداداعى قۇرىلتايعا 7 ەلدەن قانداستارىمىز ارنايى پويىزبەن كەلدى - فوتو

استانا. قازاقپارات - بۇگىن «نۇرلى جول» جاڭا ۆوكزالىندا استاناداعى بەسىنشى دۇنيەجۇزى قازاقتارىنىڭ قۇرىلتايىنا قاتىسۋشىلاردى سالتاناتتى كۇتىپ الۋ ءراسىمى وتكىزىلدى.

«ق ت ج» ۇ ك» ا ق ەلوردادا ماۋسىمنىڭ 22-25- كۇندەرى وتكىزىلەتىن بەسىنشى دۇنيەجۇزى قازاقتارىنىڭ قۇرىلتايىنا بەس جاڭا ۇلگىدەگى جولاۋشىلار ۆاگونىن ءبولدى.

الماتى-استانا-نۇرلى جول باعدارىمەن كەلىپ توقتاعان ارنايى پويىزبەن تاجىكستان، تۇرىكمەنستان، اۋعانستان، يران، مونعوليا، قىتاي، گەرمانيادان ەتنيكالىق قازاقتار كەلىپ جەتتى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.

«ءار كەلگەن سايىن استانانىڭ جاسارىپ، جاڭعىرعانىنا تاڭ قالۋمەن كەلەمىن. بۇگىن ءبىزدى جاڭا زاماناۋي عاجايىپ ۆوكزالدا قۇشاق جايا كۇتىپ الدى. مۇندا جولاۋشىلار ءۇشىن بارلىق جاعدايلار جاسالعان ەكەن»، - دەيدى موڭعوليالىق لاشىن اۋكەتاي قىزى.

قۇرىلتاي قوناقتارى استانادا حالىقارالىق مامانداندىرىلعان ەكسپو-2017 كورمەسىندە، «قازانات» ەتنواۋىلىندا، ۇلتتىق مۇراجايدا بولىپ، ءبىرقاتار مادەني ورىنداردى ارالاماق. بەسىنشى دۇنيەجۇزى قازاقتارىنىڭ قۇرىلتايىنا 750 قوناق مەن دەلەگاتتار، ونىڭ ىشىندە 39 الىس تا جاقىن شەت ەلدەردەن 350 ادام كەلەدى.