مۇحامەدي ۇلى: 7 باعىتتى قامتيتىن ەكسپەديتسيا دايىنداۋدامىز
دەپ حابارلايدى قازاقپارات.
«قوعامدىق سانانى جاڭعىرتۋ باعدارلاماسىن تابىستى جۇزەگە اسىرار بولساق، ەلباسىمىز ايتقانداي قازاقستاننىڭ بولاشاعى مۇلدەم باسقاشا بولادى. ويتكەنى، ءار حالىقتى ونىڭ رۋحاني بايلىعى مەن سانا- سەزىمى قالىپتاستىرادى. ال بۇل باعدارلاما ءبىزدىڭ سانا- سەنىمىمىزدىڭ جوعارىلاۋىنا، ءوز قۇندىلىقتارىمىزدى ساقتاۋعا سەپتىگىن تيگىزىپ، دۇنيەجۇزىندە قازاق كىم دەگەندە «مەن» دەپ ماقتانىشپەن ايتاتىنداي جاعدايعا جەتكىزۋى ءتيىس»، - دەدى مينيستر.
وسى رەتتە ارىستانبەك مۇحامەدي ۇلى قازىردىڭ وزىندە مادەنيەت، سپورت، ونەر سىندى سالالاردا زور جەتىستىكتەرىمىز بار ەكەندىگىن باسا ايتتى.
«ديماش قۇدايبەرگەن ۇلى سىندى جاس انشىلەرىمىز بۇكىل دۇنيەگە تانىمال. ماسەلەن، 300 قىتاي جينالىپ الىپ، قازاق تىلىندە «دايديداۋ» ءانىن ورىندادى. مۇنىڭ بارلىعى ۇلكەن ماقتانىش. ءبىز (ءوزىمىزدىڭ ازاماتتارىمىزعا) قازاق ءتىلىن ۇيرەنىڭدەر دەيمىز. ال باسقا ۇلتتىق وكىلدەرى وسىنداي جاستارىمىزدىڭ ارقاسىندا قازاق ءتىلىن وزدەرى- اق ۇيرەنىپ جاتىر»، - دەپ اتاپ ءوتتى ول.
ونىڭ ايتۋىنشا، «قازاقستاننىڭ كيەلى جەرلەرىنىڭ گەوگرافياسى» جوباسى اياسىندا ەلىمىزدىڭ وڭىرلەرىندە جاستار ەلىمىزدىڭ تاريحي ايماقتارىنا ەكسپەديتسيالار ۇيىمداستىرۋ ۇستىندە. ال مادەنيەت جانە سپورت مينيسترلىگى بولسا جاز ايىندا 7 باعىتقا ارنالعان بۇكىل قازاقستاندىق ەكسپەديتسيا دايىنداۋدا.
اۆتور: مارلان جيەمباي