07:23, 29 - قىركۇيەك 2016 | GMT +5
قىتايدا الپينيست كەلىنشەك عاشىعىنىڭ 7 مەترلىك سۋرەتىن جارتاسقا بەينەلەدى
استانا. قازاقپارات - قىتايدىڭ جىجياڭ پروۆينسياسىندا الپينيست كەلىنشەك عاشىعىنىڭ سۋرەتىن 218 مەترلىك جارتاسقا سالدى، دەپ حابارلايدى Cnina News.
تايجوۋ اۋدانىندا ورنالاسقان تاۋداعى ەر ادامنىڭ سۋرەتىن سالۋ ءۇشىن الپينيست ەكى اي بويى دەمالىس كۇندەرىن سارپ ەتكەن. بارلىعى 10 كۇننىڭ ىشىندە تاۋداعى بەينە اياقتالعان.
جەرگىلىكتى باسىلىمداردىڭ جازۋىنا قاراعاندا، 37 جاستاعى سپورتشى ءوز كومانداسىنداعى 40 جاستاعى ەر ادامعا عاشىق بولعان. ءبىر قىزىعى ەكەۋىنىڭ دە باسى بوس.
بۇل تۋىندا جايلى عالامتوردا جاريا بولعان سوڭ جەرگىلىكتى بيلىك قۇزعا ورمەلەۋشىنى تاۋىپ سويلەسكەن. كەلىنشەك جارتاستاعى گراففيتيدى ءوشىرىپ، تاۋ بەتىن بۇرىنعى قالپىنا كەلتىرۋگە ۋادە بەرىپ وتىر.
