بالاڭىزدىڭ سۋرەتىن ينتەرنەتكە جاريالاماۋدىڭ 7 سەبەبى - فوتو
دەگەنمەن، قازىرگى تاڭدا ادامداردىڭ ينتەرنەت ارقىلى بالالاردىڭ دا ومىرىنە ۇلكەن قاۋىپ توندىرەتىنىن دە ۇمىتپاۋىمىز كەرەك.
ال تومەندەگى كەڭەستەر سىزدەر ءۇشىن ەش ارتىق بولماس ەدى.
ءبىراق، بۇل كەڭەستەر بالانىڭ سۋرەتىن جەلىگە مۇلدە سالماۋ كەرەك ەكەن دەگەندى بىلدىرمەيتىنىن ەسكەرتەمىز. تەك اركەز اقىلدى بولىپ، ينستگرام ءداۋىرىنىڭ دە شەكاراسىن سەزىنىڭىز.
بالالارمەن ءجيى ۋاقىت وتكىزەتىن مەكەن- جايدىڭ سۋرەتىن سالماڭىز. ول ماسەلەن، مەكتەپ، سپورت شال نەمەسە قانداي دا ءبىر ۇيىرمە بولۋى مۇمكىن. بۇل ارقىلى زۇلىم ويلى ادامدار مەكەن- جايدى انىقتاۋ ارقىلى، ءوزىنىڭ جامان نيەت ارەكەتىن ىسكە اسىرۋعا تالاپتانۋى ىقتيمال.
بالانىڭ قىزىعۋشىلىعىن ايعاقتايتىن سۋرەتتەردى جاريالاۋدان دا اۋلاق بولىڭىز. بالانىڭ نەگە قىزىعاتىنىن بىلگەن سوڭ، ونى الداي سالۋ اسا قيىنعا تۇسپەيدى.
بالانىڭ جەكە دەرەكتەرىن كورسەتەتىن بارلىق سۋرەتتەردى ءوشىرىپ تاستاعان ءجون. سۋ جاڭا العان ۆيزاسىن، پاسپورتىن نەمەسە باسقا دا قۇجاتتاردى جاريالاۋعا اۋەس اتا- انالار دا بار. قۇجاتتاعى تولىق اتى- ءجون نەمەسە قۇجاتتىڭ ماڭىزدى ءنومىرىن ءبىلىپ الىپ، بالانىڭ قايدا تۇراتىنىن، قايدا وقيتىنىن وڭاي ءبىلىپ الادى.
كولىكتىڭ قاسىندا تۇرعان بالانىڭ سۋرەتىن جاريا ەتپەڭىز. بۇل اقپارات بالانىڭ اتا- اناسىنىڭ قاۋىپسىزدىگى ءۇشىن ەرەكشە ماڭىزدى. سونىمەن قاتار، قىلمىسكەرگە ءسىز ءوز- ءوزىڭىزدى ۇستاپ بەرە سالۋىڭىز دا مۇمكىن. ماسەلەن، بۇل اتا- انالار «كولىكتەگى ويىن» دەگەن سۋرەتتەن سوڭ تۇرمەگە تۇسكەن.
بالاڭىزدىڭ جارتىلاي جالاڭاش تۇسكەن سۋرەتىن دە جاريالاۋ قيسىنسىز. ارينە، مۇنداي سۋرەتتەر ءسىزدىڭ جاقىندارىڭىز ءۇشىن وتە كۇلكىلى ءارى ءساتتى سۋرەت بولىپ كورىنۋى مۇمكىن. ءبىراق، مۇلدە باسقاشا كوزقاراسپەن قارايتىن اۋرۋ ادامدار بار ەكەنىن دە ەستەن شىعارماۋ كەرەك.
بالالارىڭىز بولاشاقتا سول ءۇشىن ۇيالاتىن سۋرەتتەردى سالماڭىز. بۇل سۋرەتتى تۇسىرگەندە ءسىزدىڭ اتا- اناڭىزدىڭ نە ويلاعانى تۇسىنىكسىز بولىپ شىعاتىن سۋرەتتەر ءسىرا، كوپ ادامدار دا بار شىعار. ال بۇرىن ينتەرنەت بولماعاندىقتان، ول ىڭعايسىز سۋرەتتەردى تەك جاقىن- جۋىقتار عانا كورە الاتىن ەدى. ال قازىرگى بالالاردىڭ سۋرەتى كوپشىلىك ءۇشىن دە قولجەتىمدى: كەز- كەلگەن سۋرەت اشكەرەلەۋگە دايىن ماتەريال بولۋى مۇمكىن.
بالاڭىزدىڭ باسقا بالالارمەن بىرگە تۇسكەن سۋرەتىن جەلىگە سالۋدان قاشىڭىز.
بالاڭىزدىڭ سىنىپتاستارىمەن نەمەسە دوستارىمەن بىرگە تۇسكەن سۋرەتتەرىن جاريالاماس بۇرىن، ولاردىڭ اتا- اناسى قارسى بولماس پا ەكەن دەپ ويلانىڭىز. ءسىز ولاردىڭ بالالارى ءۇشىن جاۋاپ بەرە المايسىز. ولار تۋرالى قانداي دا ءبىر اقپارات بەرۋ ءسىزدىڭ قۇزىرىڭىزعا كىرمەيدى.
بالالارىڭىزدىڭ دوستارىمەن نەمەسە وزگە بالالارمەن تۇسكەن سۋرەتىن ينتەرنەتكە جاريالاعان مينۋتتان باستاپ، بۇل ءسىزدىڭ سۋرەتىڭىز ەمەس، كەز- كەلگەن ادام كەز- كەلگەن ماقساتتا پايدالانا الاتىن «يگىلىككە» اينالىپ شىعا كەلەدى.
اركەز اباي بولىپ، بالالارىڭىزدىڭ قاۋىپسىزدىگىن ۇنەمى ەستەن شىعارماڭىز.
