جاڭا ايفون 7 سمارتفونى بەتىندەگى باستى باتىرماسى جوق

استانا. قازاقپارات - الەۋمەتتىك جەلىدە ءالى كوپشىلىك نازارىنا ۇسىنىلماعان iPhone 7 سمارتفونىنىڭ جاسىرىن تۇسىرىلگەن سۋرەتى شىقتى.

فوتونى قىتايداعى الەۋمەتتىك جەلىلەردىڭ ءبىرىنىڭ پايدالانۋشىسى جاريا ەتتى.

سۋرەتتە اپپاراتتىڭ ارتقى پانەلى ايتارلىقتاي وزگەرمەگەنى كورىنەدى. وندا بۇرىن حابارلانعان قوس فوتو ءتۇسىرۋ مودۋلى ورنالاسقان. ال iPhone 7 سمارتفونىنىڭ بەتكى جاعىندا «كەرى قايتۋ» باتىرماسى جوق بولىپ شىقتى.

سۋرەتكە قوسا بەرىلگەن جازبادا «كەرى قايتۋ» باتىرماسى قورعانىس اينەگىنىڭ استىندا قالعانى جازىلعان. سول جەردە ساۋساق ءىزىن تانيتىن Touch ID سەنسورى دا بار، دەپ جازدى AppleInsider.

جۇرت جاڭا سمارتفوندا قۇلاققاپقا قوسۋعا ارنالعان 3,5-م م جالعاعىشى قالدىرىلدى ما دەپ الاڭداۋدا. ءبىراق ول مىنا سۋرەتتە كورىنبەيدى.

21 -ناۋرىزدا Apple جاڭا ونىمدەرىن تانىستىرادى، الايدا ونىڭ ىشىندە iPhone 7 بولا ما، ول جاعى بەلگىسىز. ادەتتە كومپانيا جاڭا فلاگمانىن كۇزدە شىعارادى.