22:52, 25 - قاراشا 2015 | GMT +5
اقىن نەسىپبەك ايت ۇلىنىڭ 7 تومدىق جيناعى جارىق كوردى
استانا. قازاقپارات - بۇگىن استاناداعى ق ر ۇلتتىق اكادەميالىق كىتاپحاناسىندا اقىن، ق ر مەملەكەتتىك سىيلىقتىڭ يەگەرى نەسىپبەك ايت ۇلىنىڭ 7 تومدىق جيناعىنىڭ تۇساۋكەسەرى ءوتتى.
بۇل تۋرالى كىتاپحانانىڭ باسپا ءسوز قىزمەتى حابارلادى.
سالتاناتتى شاراعا قوعام جانە مەملەكەت قايراتكەرلەرى، اقىننىڭ ادەبيەت سالاسىنداعى ۇزەڭگىلەس دوستارى مەن بەلگىلى قالامگەرلەر، اقىننىڭ ارتىنان ەرگەن اقىن ىنىلەرى، ب ا ق قىزمەتكەرلەرى مەن قازاق ونەرىنىڭ تانىمال وكىلدەرى قاتىستى.
كوپ تومدىق كوپشىلىك وقىرمانعا ارنالعان. عيبراتى مول عۇمىر جولىندا كەيىنگى ۇرپاققا بەرەرى مول بەدەرلى جىرلار مەن ساليقالى ماقالالار توپتاستىرىلعان بۇل جەتى توم وقىرماندارىنا وي سالىپ، قازاق ادەبيەتىنىڭ سان سالالى قويناۋىنا جەتەلەرى ءسوزسىز.
